Հինգշաբթի 18.01.2018   02:01
ՍՏԵՓԱՆԱԿԵՐՏ   -2 C°
ՀԱՅ   |   РУС   |   ENG

21 մարտի  13:09

Ստեփանակերտում կազմակերպվել է «Գիտության զարգացման հիմնախնդիրներն ու հեռանկարներն Արցախի երիտասարդության շրջանում» թեմայով կլոր սեղան

Այսօր Ստեփանակերտի «Արմենիա» հյուրանոցի կոնֆերենս դահլիճում «Արցախի երիտասարդ գիտնականների և մասնագետների միավորում» (ԱԵԳՄՄ) հասարակական կազմակերպությունը կազմակերպել է «Գիտության զարգացման հիմնախնդիրներն ու հեռանկարներն Արցախի երիտասարդության շրջանում» թեմայով կլոր սեղան:

ՍՏԵՓԱՆԱԿԵՐՏ, 21 ՄԱՐՏԻ, ԱՐՑԱԽՊՐԵՍ։ Միջոցառմանը բացման խոսքով հանդես է եկել ԱԵԳՄՄ ՀԿ համահիմադիր Ավետիք Հարությունյանը, ով շնորհակալություն է հայտնել ներկաներին և կազմակերպության անդամներին մասնակցության համար:

Այնուհետև ողջույնի խոսքով հանդես են եկել հրավիրվածները, ովքեր կարևորել են նման հասարակական կազմակերպության դերն ու նշանակությունը երիտասարդության շրջանում, որից հետո կայացել է ակտիվ քննարկումներ՝ երիտասարդությանը հուզող տարբեր հարցերի շուրջ:

«Արցախպրես»-ի թղթակցի հետ զրույցում «Արցախի երիտասարդ գիտնականների և մասնագետների միավորում» ՀԿ համահիմադիր Ավետիք Հարությունյանը նշել է, որ կազմակերպությունը ստեղծվել է ընթացիկ տարվա հունվարի 13-ին:

«Կլոր սեղանի հրավիրման նպատակն է բացահայտել գիտությամբ զբաղվող երիտասարդներին հուզող հիմնախնդիրները, առաջարկել դրանց լուծման եղանակները, ճիշտ օգտագործել երիտասարդ գիտնականների ներուժը պետական և մասնավոր հատվածներում, ձեռնամուխ լինել ԼՂՀ-ում գիտության երիտասարդացման ծրագրի մշակման աշխատանքներին»,-ասաց Ա. Հարությունյանը:

Միջոցառմանը ներկա էին ԱԵԳՄՄ ՀԿ նախագահ, ի.գ.թ., դոցենտ  Սիրանուշ Պետիկյանը, ԱԺ պատգամավոր Ռոմելա Դադայանը, ԼՂՀ մշակույթի և երիտասարդության հարցերի փոխնախարար Գայանե Գրիգորյանը, Հայաստանի ազգային ագրարային համալսարանի (ՀԱԱՀ) Ստեփանակերտի մասնաճյուղի ռեկտոր Վահրամ Հայրապետյանը, Մեսրոպ Մաշտոց համալսարանի ռեկտոր Դոնարա Գաբրիելյանը և կազմակերպության անդամներ:

Artsakhpress.am


Լրահոս

Բոլոր նորությունները »

Ֆեյսբուք

Արխիվ
Հարցում
Քվեարկել են (235)  |  Այլ հարցում
Բոլոր իրավունքները պաշտպանված են: © Artsakhpress.am 2018
Մեջբերումներ անելիս հղումը «artsakhpress.am»-ին պարտադիր է:

Մեր հասցեն՝ Արցախի Հանրապետություն, Ստեփանակերտ, Մեսրոպ Մաշտոց փողոցի 5
Հեռ՝ (+374) 960406
էլ.փոստ՝ info@artsakhpress.am