Մարսելի Շատո դե լա Բյուզին ամրոցում մարտի 31-ից ապրիլի 12-ը «1915. Հայ կանանց Գողգոթան» խորագրով ցուցահանդես է անցկացվում:
Մարսելում «1915. Հայ կանանց Գողգոթան» խորագրով ցուցահանդես է բացվել
ՍՏԵՓԱՆԱԿԵՐՏ, 1 ԱՊՐԻԼԻ, ԱՐՑԱԽՊՐԵՍ։ Այն նախաձեռնել է Ֆրանսիահայերի Կապույտ խաչ կազմակերպությունը՝ Մարսելի 11-րդ եւ 12-րդ շրջանների վարչակազմերի աջակցությամբ:
labuzine.com կայքի փոխանցմամբ՝ «1915. Հայ կանանց Գողգոթան» ցուցահանդեսի նպատակն է՝ ցույց տալ 1915 թվականի իրադարձությունների ժամանակ առաջնագծում կանգնած կանանց, քաջարի մայրերի, մտավորականության, միսիոներուհիների եւ մարտիկների համար իրականությունը։
«19-րդ դարում հայ մտավորականները կանանց ազատագրում էին քարոզում: Սակայն 1915 թվականի Հայոց ցեղասպանությունը խափանեց այդ գործընթացը. բռնությունը, որին այդ իրադարձությունների ժամանակ ենթարկվում էին կանայք, հանգեցրեց կնոջ կուռքի ստեղծմանը՝ նրան մարտիրոսի տեղ հատկացնելով, որին նա չէր հավակնում»,- նշել են ցուցահանդեսի կազմակերպիչները: