ԼՂՀ մշակույթի և երիտասարդության հարցերի նախարարությունը, ոչ նյութական մշակութային ժառանգության պահպանման և տարածման ծրագրի շրջանակներում, ԼՂՀ դպոցների միջև առաջին անգամ կազմակերպելու է «Ազգային պար» մրցույթ-օլիմպիադա։
ԼՂՀ դպոցների միջև առաջին անգամ կազմակերպվելու է «Ազգային պար» մրցույթ-օլիմպիադա
ՍՏԵՓԱՆԱԿԵՐՏ, 30 ԱՊՐԻԼԻ, ԱՐՑԱԽՊՐԵՍ։ ԼՂՀ մշակույթի և երիտասարդության հարցերի նախարարության մամլո ծառայության փոխանցմամբ՝ մրցույթ-օլիմպիադայի նպատակը մատաղ սերնդի շրջանում ազգային պարերի ուսուցման խրախուսումը, տարածումն ու պահպանումն է, ինչպես նաև` ազգային գաղափարախոսության քարոզչությունը:
Մրցույթն անցկացվելու է երեք անվանակարգով`Փափուռի, Սասնա քոչարի, Յարխուշտա: Մասնակից խմբերը պարելու են նաև արտամրցութային «Գյովնդ-Վերվերի» պարը:
Յուրաքանչյուր անվանակարգում մրցույթն անցկացվելու է 2 կարգով` Ա կարգով հանդես կգան 100-ից ավելի աշակերտ ունեցող դպրոցները. Բ կարգով հանդես կգան 100-ից պակաս աշակերտ ունեցող դպրոցները:
Մրցույթին ԼՂՀ շրջաններից ու մայրաքաղաք Ստեփանակերտից մասնակցելու են 23 դպրոցներ` 313 մասնակիցներով: Անվանակարգերում լավագույնը ճանաչված Ա և Բ կարգի խմբերը կպարգևատրվեն համապատասխան վկայագրերով, գավաթներով և նվերներով:
Նշենք, որ մրցույթի մեկնարկը կտրվի մայիսի 2-ին ժամը 10:00-ին, Ստեփանակերտի «Արմենավան» թաղամասի մարզադաշտում,իսկ նույն օրը ժամը 14:00-ին Վերածննդի հրապարակում կպարեն մասնակից խմբերը: