Մայիսի 3-ին Արցախում կայանալիք հերթական խորհրդարանական ընտրություններին դիտորդական առաքելություն իրականացնելու համար Արցախում են Ամերիկայի Հայ դատի արևմտյան հանձնախմբի ներկայացուցիչներ Նարեկ Կիտսինյան և Թերեզա Երիմյանը:
Համոզված ենք, որ խորհրդարանական ընտրություններն անցնելու են արդար ու թափանցիկ. ԱՄՆ Հայ դատի ներկայացուցիչներ
ՍՏԵՓԱՆԱԿԵՐՏ, 2 ՄԱՅԻՍԻ, ԱՐՑԱԽՊՐԵՍ։ «Արցախպրես»-ի թղթակցի հետ զրույցում նրանք նշեցին, որ իրենց հետ նաև ընտրական գործընթացի փորձագետներ են ժամանել: «Մենք այստեղ և ԱՄՆ-ում մասնակցել ենք մի շարք ընտրությունների: Մասնավորապես, նախորդ անգամ մասնակցել ենք այստեղ անցկացված նախագահական ընտրություններին, որի ժամանակ էլ, մեր համապատասխան մասնագետների պատրաստած ռեպորտաժի հիման վրա ներկայացրել են մեր առաջարկությունները` նկատված կազմակերպչական խնդիրների վերաբերյալ»,- ասաց Նարեկ Կիտսինյանը:
Թերեզա Երիմյանի խոսքով, նշված խնդիրներն այնքան էլ էական նշանակություն չեն ունեցել ընտրությունների կազմակերպման և անցկացման, ընդհանուր առմամբ, դրական արդյունքների վրա: Այնուամենայնիվ, մեր նշած առաջարկությունները, որոնք տեղ են գտել այս ընտրությունների կազմակերպման գործընթացում, հնարավորություն են ընձեռել առավել սահուն ու կատարելագործված դարձնել ընտրական գործընթացի կազմակերպումը: Համոզված ենք, որ այդ ամենի արդյունքում խորհրդարանական հերթական ընտրություններն Արցախում անցնելու են արդար ու թափանցիկ: