Ֆրանսիացի 40 մասնագետներից եւ նկարիչներից կազմված խումբը «կենդանացրել» է Լեոնարդո դա Վինչիի հայտնի «Մոնա Լիզա» նկարը:
Ֆրանսիացի նկարիչները «կենդանացրել» են հայտնի Մոնա Լիզային
ՍՏԵՓԱՆԱԿԵՐՏ, ՀՈՒԼԻՍԻ 17, ԱՐՑԱԽՊՐԵՍ: Փարիզում ներկայացվել է Living Mona Lisa նախագիծը՝ հանրահայտ «Ջոկոնդա»-ի թվային տարբերակը, որը, ինչպես հայտնի է, Ֆլորենցիայից մետաքսի վաճառական Ֆրանչեսկո դել Ջոկոնդոյի կնոջ՝ Լիզա Գերարդինիի դիմանկարն է:
ZN-ի փոխանցմամբ՝ մասնագետների թիմը նախագծի ուղղությամբ աշխատել է մեկ տարի շարունակ: Հրապարակված տեսանյութում կարելի է տեսնել, թե տեխնոլոգիաների օգնությամբ ինչպես է Մոնա Լիզան փոխում իր խորհրդավոր ժպիտը եւ հայացքով ուղեկցում զբոսաշրջիկներին:
Ըստ «Ռոսբալտ»-ի ինտերակտիվ Ջոկոնդայի հեղինակները նշում են, որ Living Mona Lisa նախագիծը կոմերցիոն չէ, սակայն արդեն աշնանը վաճառքում կհայտնվեն դրա փոքրիկ թվային տարբերակները: Մեկ հատը մի քանի հարյուր եվրո կարժենա: