Շուշիի կերպարվեստի պետական թանգարանի այցելուներին է ներկայացվում աշխարհի տարբեր ծայրերից՝ Հայաստանից, Վրաստանից, ՌԴ-ից, ԱՄՆ-ից, Ֆրանսիայից, Մադագասկարից, Եթովպիայից, Հայիթիից, Մոնղոլիաից, Ինդոնեզիաից և այլ տեղերից Արցախ բերված արվեստի գործեր:
Մեծ է սփյուռքահայերի հետաքրքրությունը Շուշիի նկատմամբ
ՍՏԵՓԱՆԱԿԵՐՏ, ՀՈՒԼԻՍԻ 20, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է Շուշիի կերպարվեստի պետական թանգարանի վարիչ Դոնարա Հարությունյանը: «Համեմատած մյուս տարիների հետ այս տարի քչացել են թանգարան այցելողների թիվը: Կարելի է առանձնացնել, որ ընթացիկ տարվա ապրիլ և մայիս ամիսներին առավել շատ էր զբոսաշրջիկների հոսքը, որը, ըստ երևույթին, կապված էր Հայոց ցեղասպանության 100-րդ տարելիցի հետ»,-նշել է Դ. Հարությունյանը և հավելել, որ զբոսաշրջիկները հիմնականում հետաքրքրված են Շուշիի պատմությամբ:
«Հիմնականում այցելուներ ունենք Ավստրալիայից, Ճապոնիայից, Չինաստանից, ԱՄՆ-ից: Ի դեպ վերջին տարիներին դեպի Արցախ նկատվում է սփյուռքահայերի մեծ հոսք:
Ընթացիկ տարվա հունվար-հունիս ամիսներին թանգարան է այցելել 1132 զբոսաշրջիկ, որոնցից 335-ը արտերկրից են»,-ասել է Դ. Հարությունյանը և ավելացրել, որ 2014 թվականին այցելուների ընդհանուր թիվը եղել է 6265, որոնցից՝ 925-ը արտերկրից:
Թանգարանի վարիչի խոսքով հիմնական այցելուներն այնքան էլ տեղյակ չեն լինում Արցախի պատմությանը, շատերն էլ այն կարծիքին են, որ Արցախում իրավիճակ է լարված սակայն անձամբ Արցախում լինելով՝ ականատես են լինում ճիշտ հակառակ պատկերի:
Թանգարանը տեղակայված է Շուշիի հին կառույցներից մեկի՝ նախկին իջևանատան վերականգնված և վերակառուցված շենքում:
Հարկ է նշել, որ Շուշիի կերպարվեստի պետական թանգարանը ստեղծվել է 2013 թվականի մայիսի 9-ին՝ Գրիգորի Արկադիի Գաբրիելյանցի նախաձեռնությամբ և օգնությամբ:
Թանգարանն ունի շուրջ 600 արվեստի գործ: