Երեքշաբթի 30.05.2017   09:05
ՍՏԵՓԱՆԱԿԵՐՏ   15 C°
ՀԱՅ   |   РУС   |   ENG

27 հուլիսի  11:07

ՃՇՀԱՀ ուսանողներն Արցախի զորամասերում ներկայացրել են «Հրադադար» բեմադրությունը

Ճարտարապետության և շինարարության Հայաստանի ազգային համալսարանի ուսանողական խորհրդի 45 անդամներ՝ նախագահ Հովսեփ Հովեյանի և բուհի կարիերայի կենտրոնի ղեկավար Հայկ Սարգսյանի գլխավորությամբ, այցելել են Արցախի մի շարք զորամասեր։

ՍՏԵՓԱՆԱԿԵՐՏ, ՀՈՒԼԻՍԻ 27, ԱՐՑԱԽՊՐԵՍ:  Հայաստանի երիտասարդական հիմնադրամի  հասարակայնության հետ կապերի ծառայության փոխանցմամբ՝ ուսանողները զորամասերին նվիրել են համակարգիչներ, իսկ զինվորներին՝ հիգիենայի պարագաներ:

Արցախում էին նաև ուսանողական խորհրդի թատերական խմբակի անդամները, ովքեր զինվորների համար խաղացին Սամվել Խալաթյանի պիեսի հիման վրա բեմադրված «Հրադադար» ներկայացումը:


Ուսանողները հանդիպում են ունեցել բարձրաստիճան պաշտոնյաների հետ, մասնավորապես՝ Ստեփանակերտի քաղաքապետ Սուրեն Գրիգորյանի, մշակույթի և երիտասարդության հարցերի նախարար Նարինե Աղաբալյանի, ինչպես նաև պաշտպանության բանակի մի շարք բարձրաստիճան սպաների հետ:

Ուսանողական խորհրդի անդամները եղել են նաև Արցախի պատմամշակութային վայրերում:


Ծրագիրն իրականացրել են Հայաստանի երիտասարդական հիմնադրամը, Ճարտարապետության և շինարարության Հայաստանի ազգային համալսարանի ուսանողական խորհուրդը՝ ՀՀ պաշտպանության նախարարության հետ համատեղ։

Artsakhpress.am



Լրահոս

Բոլոր նորությունները »

Ֆեյսբուք

Արխիվ
Հարցում
Քվեարկել են (235)  |  Այլ հարցում
Բոլոր իրավունքները պաշտպանված են: © Artsakhpress.am 2017
Մեջբերումներ անելիս հղումը «artsakhpress.am»-ին պարտադիր է:

Մեր հասցեն՝ Արցախի Հանրապետություն, Ստեփանակերտ, Մեսրոպ Մաշտոց փողոցի 5
Հեռ՝ (+374) 960406
էլ.փոստ՝ info@artsakhpress.am