Կոնգրեսական Ադամ Շիֆը ԱՄՆ Պետդեպին կոչ է արել Բաքվի ագրեսիային պատասխանելիս հրաժարվել Հայաստանի եւ Ադրբեջանի գործելակերպի միջեւ կեղծ հավասարություն դնելու մասին հայտարարություններից։
Ադամ Շիֆը՝ Ուորլիքին ուղղված նամակում. Ադրբեջանը շարունակում է ագրեսոր մնալ
ՍՏԵՓԱՆԱԿԵՐՏ, սեպտեմբերի 24, ԱՐՑԱԽՊՐԵՍ։ ԱՄՆ հայ դատի հանձնախումբի փոխանցմամբ՝ ԵԱՀԿ Մինսկի խմբի համանախագահ Ջեյմս Ուորլիքին ուղղված նամակում Շիֆը ընդգծել է, որ այս հակամարտության մեջ ագրեսորի անունը բացահայտ նշելու ցանկության բացակայությունը Ադրբեջանին մեսիջ է հղում առ այն, որ նա կարող է անպատիժ գործել։
Հիշեցնելով Ադրբեջանի կողմից չհայտարարված, բայց կազմակերպված զորավարժությունների, ինչպես նաեւ Հայաստանի տարածքի գնդակոծության մասին, ինչի հետեւանքով զոհվել էր 2 զինվոր եւ վիրավորվել էին խաղաղ բնակիչներ, կոնգրեսական նշեց, որ Ադրբեջանը շարունակում է ագրեսոր մնալ։
Պաշտպանելով հակամարտության խաղաղ կարգավորմանն ուղղված Ուորլիքի ջանքերը՝ Շիֆը նշել է, որ իր կարծիքով Ադրբեջանի ռազմական հռետորաբանությունն անտեսելը եւ ենթադրութրելը, թե երկու կողմն էլ հավասարապես մեղավոր են շփման գծում լարվածության աճի մեջ, երբ դա իրականում այդպես չէ, խաղաղության գործին չի նպաստում։
ԱՄՆ Հայ դատի հանձնախմբի գործադիր տնօրեն Արամ Համբարյանը կոնգրեսականին շնորհակալություն է հայտնել նամակի համար՝ նշելով, որ ամերիկահայերը կիսում են արհեստական անկողմնակալության քաղաքականության հարցում նրա մտահոգությունը։
