Փարիզում կոլումբիական մաֆիայի ներկայացուցիչները, որոնք միջազգային որոնման մեջ են գտնվում, կրակել ու սպանել են ԻՊ երկու զինյալներին, որոնք ավտոմատներով ներխուժել էին սրճարան:
Փարիզյան սրճարանում կոլումբիական մաֆիոզները սպանել են ԻՊ զինյալներին
ՍՏԵՓԱՆԱԿԵՐՏ, նոյեմբերի 21, ԱՐՑԱԽՊՐԵՍ: «Ռեն ՏՎ»-ի փոխանցմամբ, իրենց գործողություններով նարկոկարտելի ներկայացուցիչները փրկել են տասնյակ կյանքեր ու փակուղու մեջ գցել պատահարի վայր ժամանած ոստիկաններին, հայտնում են կոլումբիական լրատվամիջոցները:
Ինչպես հայտնի է դարձել, միջադեպը կատարվել է երեկոյան փարիզյան սրճարաններից մեկում: Հաստատություն էին ներխուժել ԻՊ երկու զինված գրոհայիններ ու կրակ բացել այցելուների վրա: Սրճարանում նաեւ երեք կոլումբիացիներ կային՝ «հյուսիսային նարկոկարտելի» անդամներ, որոնք պատասխան կրակով սպանել են ահաբեկիչներին՝ փրկելով սրճարանի տասնյակ այցելուների կյանքեր:
Ժամանած ոստիկանության աշխատակիցները ձերբակալել են կոլումբիացիներին: Հիմա ֆրանսիացի իրավապահների առաջ հարց է կանգնել՝ ի՞նչ անել ձերբակալվածների հետ, որոնք ըստ էության կանխել էին եւս մեկ ահաբեկչություն մի երկրում, որը դեռ ուշքի չի եկել նոյեմբերի 13-ի ահաբեկիչների հարձակումներից: Ամենայն հավանականությամբ կոլումբիական մաֆիոզիներին կհանձնեն Կոլումբիայի իշխանություններին, հայտնում են լրատվամիջոցները: