Չորեքշաբթի 29.03.2017   05:03
ՍՏԵՓԱՆԱԿԵՐՏ   0 C°
ՀԱՅ   |   РУС   |   ENG

23 նոյեմբերի  21:08

ՌԴ Նախագահը խոստացել է այսուհետ ևս Կասպից ծովի երկինքն օգտագործել ԻՊ-ի դեմ պայքարի համար

Ռուսաստանը կշարունակի օգտագործել Կասպից ծովի օդային տարածքն այնքան ժամանակ, որքան անհրաժեշտ կլինի Սինայի թերակղզու երկնքում ռուսական օդանավի պայթեցման մեջ մեղավոր ահաբեկիչներին պատժելու համար:

ՍՏԵՓԱՆԱԿԵՐՏ, նոյեմբերի 23, ԱՐՑԱԽՊՐԵՍ։ «Ինտերֆաքս»-ի փոխանցմամբ, այս մասին հայտարարել է ՌԴ Նախագահ Վլադիմիր ՊուտինըԹուրքմենստանի առաջնորդ Գուրբանգուլի Բերդիմուհամեդովի հետ հանդիպման ժամանակ:  

«Ինչ վերաբերում է տարածաշրջանում մեր բարեկամների` Կասպից ծովի օդային տարածքի օգտագործման հետ կապված մտահոգություններին, ապա Ղազախստանի բարեկամներն առայժմ ոչինչ չեն ասել, բայց մենք դա ի նկատի կունենանք: Մենք հասկանում ենք, որ ստեղծվում են որոշ անհարմարություններ, բայց մենք ձեզ հետ գիտենք, որ այն ջանքերը, որոնք ՌԴ-ն գործադրում է ահաբեկչության դեմ պայքարում, ծանրաբեռնում են, առաջին հերթին, Ռուսաստանը… Ահաբեկչական կազմակերպությունները, այնպիսիք, ինչպիսին է, այսպես կոչված, ԻԼԻՊ-ը և մյուսները, չեն խնայում ոչ մեկին, դրանք գազանություններով են զբաղված, չեն խնայում այդ թվում նաև քաղաքացիական օդանավերը»,- նշել է Պուտինը:

«Եթե ինչ-որ անհարմարություններ ստեղծվում են, ապա դրանք, իհարկե, պետք է նվազագույնի հասցնել… Սակայն, նկատի առնելով մեր ինքնաթիռի հետ կապված ողբերգական փորձը, մենք դա անելու ենք այնքան ժամանակ, որքան անհրաժեշտ կհամարենք մեղավորներին պատժելու համար»,- ընդգծել է ՌԴ Նախագահը;

Իր հերթին Բերդիմուհամեդովը ցավակցություն է հայտնել ՌԴ Նախագահին` Սինայի թերակղզու երկնքում տեղի ունեցած ողբերգության կապակցությամբ, և նշել, որ Ղազախստանում անհանգստացած են Կասպից ծովի երկնքում իրավիճակի կապակցությամբ` ՌԴ ռազմական գործողությունների ենթատեքստում:

«Մեր ղազախ գործընկերները անհանգստացած են հարցերով, որոնք ծագում են Կասպից ծովի մակարդակի վրա: Դա կապված է նաև ռազմական հարցերի հետ»,- ասել է Բերդիմուհամեդովը:

Նրա խոսքով` այդ կապակցությամբ ծագում են նաև քաղաքացիական ավիահաղորդակցության վերաբերյալ հարցեր: «Այսինքն` պետք է արդյոք փոփոխել երթուղիների, էշելոնների և շարժման հետ առնչվող ավիահաղորդակցությունը: Կա նման անհանգստություն, ես չգիտեմ` տեղյակ եք, թե` ոչ: Մեր ղազախ գործընկերներն այդ մասին շատ են անհանգստանում»,- նկատել է Բերդիմուհամեդովը:

Ռուսաստանի ղեկավարը նշել է, որ Սիրիայում Ռուսաստանի գործողության ժամկետները կապված են ահաբեկիչների վրա սիրիական բանակի հարձակման հետ:

«Այդ գործողությունները հավերժ չեն անցկացվելու, ես ի սկզբանե խոսել եմ այն մասին, որ դրանք կրելու են ժամանակվոր բնույթ: Դա կապված է Սիրիայի ազգային բանակի` ահաբեկչական կազմակերպություններին ճնշելու հարձակողական գործողության հետ»,- ասել է Պուտինը:

«Կոգալիմավիա» ընկերության օդանավն հոկտեմբերի 31-ին աղետի էր ենթարկվել Սինայի թերակղզու երկնքում: Շարմ էլ Շեյխ-Սանկտ Պետերբուրգ երթուղով թռիչք իրականացնող լայների նավակողին էին 217 ուղևորներ և անձնակազմի 7 անդամներ, որոնք բոլորը զոհվել են:

Նոյեմբերի 17-ին ՌԴ իշխանություններն աղետը որակել էին որպես ահաբեկչական գործողություն` դրա պատճառ համարելով լայների նավակողին ռումբի պայթյունը:

ՌԴ անվտանգության դաշնային ծառայության մասնագետների գնահատմամբ` A321-ի նավակողին գործի է դրվել տրոտիլի 1 կգ-ին համարժեք հզորությամբ ինքնաշեն պայթուցիկ սարքավորում:

Artsakhpress.am


Տես նաեվ՝

    Լրահոս

    Բոլոր նորությունները »

    Ֆեյսբուք

    Ամենաընթերցվածը

    ամիս

    շաբաթ

    օր

    Արխիվ
    Հարցում
    Քվեարկել են (235)  |  Այլ հարցում
    Բոլոր իրավունքները պաշտպանված են: © Artsakhpress.am 2017
    Մեջբերումներ անելիս հղումը «artsakhpress.am»-ին պարտադիր է:

    Մեր հասցեն՝ Արցախի Հանրապետություն, Ստեփանակերտ, Մեսրոպ Մաշտոց փողոցի 5
    Հեռ՝ (+374) 960406
    էլ.փոստ՝ info@artsakhpress.am