Մոսկվայի Բասմանյան դատարանն ընդունել է մեղադրող կողմի միջնորդությունը գործարար Լեւոն Հայրապետյանին կալանավորելու վերաբերյալ:
Մոսկվայի Բասմանյան դատարանը բավարարեց Լևոն Հայրապետյանին կալանավորելու միջնորդությունը
Մոսկվայի Բասմանյան դատարանն ընդունել է մեղադրող կողմի միջնորդությունը գործարար Լեւոն Հայրապետյանին կալանավորելու վերաբերյալ: Ինչպես հաղորդում է «Արցախպրես»-ը` վկայակոչելով «Արմենպրես»-ին, այդ մասին հաղորդում «Ռիա-Նովոստի»-ն: Դատարանի կարծիքով, այն, որ Հայրապետյանը հանդիսանում է «Собеседник» հրատարակչության ղեկավարներից մեկը, ուստի զանգվածային լրատվամիջոցները այդ փաստը կարող են օգտագործել կողմնակալ հոդվածներ գրելու համար:
Բացի այդ, դատարանի գտնում է, Հայրապետյանը լավ կապեր ունի դատական եւ իրավապահ համակարգում ու կարող է օգտվել այդ հարաբերություններից` պատասխանատվությունից խուսափելու համար: Միաժամանակ, Հայրապետյանի փաստաբանը դիմել է դատարանին, որպեսզի նրանք վճարեն փրկագին եւ նա ստանա տնային կալանք: Այս միջնորդության վերաբերյալ դատարանը որոշում չի կայացրել:
«Քննության ընթացքում մեղադրանքը կարող է մի քանի անգամ փոփոխվել: Ես առայժմ չեմ կարող մեկնաբանություններ տալ, քանի որ գործով ներգրավված եմ ընդամենը մի քանի օր: Անգամ դեռևս չգիտեմ, թե նախաքննական մարմինը երբ է Հայրապետյանի վերաբերյալ քրեական գործ հարուցել: Գիտեմ միայն, որ քրեական գործը տնտեսական գործունեությանն է վերաբերում», - «Կոմերսանտին»-ին ասել է Կոմարովը:
Ռուսաստանի Դաշնության Անվտանգության Դաշնային ծառայությունը հուլիսի 15-ին` «Դոմոդեդովո» օդանավակայանում` Մոնակոյից վերադառնալուց ձերբակալել է Լեւոն Հայրապետյանին: Նույն օրը երեկոյան Հայրապետյանի գրասենյակում կատարված խուզարկության ժամանակ առգրավվել են երկու տուփ փաթեթավորված փամփուշտներ: Ռուսաստանի Դաշնության քննչական կոմիտեն Մոսկվայի Բասմանյան դատարան հայազգի գործարար Լևոն Հայրապետյանին կալանավորելու մասին միջնորդություն էր ներկայացրել:
Հայազգի գործարար Լեւոն Հայրապետյանին ձերբակալել են Սերգեյ Ֆինասգինի ղեկավարած «Կինգիսեպի» հանցախմբի գործի շրջանակում: Կինգիսեպը Սանկտ Պետերբուրգի մոտակայքում գտնվող բնակավայրի անուն է: Նախաքննական մարմինը կասկածներ ունի, որ Հայրապետյանը կապ ունի քրեական հեղինակություն համարվող Սերգեյ Ֆինագինի ղեկավարած այս խմբավորման հետ, ինչի մասին հայտարարել է բազմաթիվ ծանր հացագործությունների համար ցմահ ազատազրկման դատապարտված նախկին նահանգապետ Իգոր Իզմեստևը: Իրավապահները լրատվամիջոցներին հայտնել են, որ Լևոն Հայրապետյանը, սակայն, կապ չունի այս խմբավորման կողմից իրականացված սպանությունների հետ:
Հայրապետյանը կասկածվում է հանցավոր միջոցներով ստացված եկամուտների օրինականացման և փողերի լվացման մեջ: Ըստ նախաքննության, հանցագործությունն իրականացվել է 2008-ին «ԱՖԿ Սիստեմա»-ին «Բաշնեֆթ»-ի վաճառքի մասին գործարքի ժամանակ, որում ներգրավված է եղել նաև Հայրապետյանը: Նշվում է, որ Հայրապետյանն այդ գործարքից խոշոր չափի գումար է ստացել:
