Ռուսաստանի նախագահ Վլադիմիր Պուտինը ցավակցությունն Է հայտնել Բելգիայի Ֆիլիպ թագավորին եւ Բելգիայի ողջ ժողովրդին Բրյուսելում իրականացված ահաբեկչական գործողությունների կապակցությամբ
ՌԴ նախագահը դատապարտել Է Բրյուսելի «բարբարոսական պայթյունները»
ՍՏԵՓԱՆԱԿԵՐՏ, 22 մարտի, ԱՐՑԱԽՊՐԵՍ: Ինչպես հայտարարել Է ռուսական պետության ղեկավարի մամուլի քարտուղար Դմիտրի Պեսկովը, Պուտինը «վճռականորեն դատապարտել Է այդ բարբարոսական հանցագործությունները»: «Այդ չարագործության դեմ պայքարը ամենաակտիվ միջազգային փոխգործակցություն Է պահանջում»,-նշել Է Պուտինը:
«Նախագահ Պուտինն արդեն ցավակցություն Է հայտնել Բելգիայի Ֆիլիպ թագավորին Բրյուսելում կատարված մի շարք պայթյունների հետեւանքով խաղաղ քաղաքացիների զոհվելու կապակցությամբ, նախագահը վճռականորեն դատապարտել Է այդ բարբարոսական հանցագործությունները»,-հայտնել Է Կրեմլի ներկայացուցիչը:
Պեսկովը հավելել Է, որ Ռուսաստանի ղեկավարը ցավակցություն Է հայտնել նաեւ Բելգիայի ժողովրդին: Նրա խոսքով՝ Պուտինը «հավաստիացրել Է բելգիացիների հետ ռուսաստանցիների լիակատար համերաշխությունն այս դժվարին ժամերին»:
Դա արդարացում չունեցող բարբարոսական հանցագործություն Է, որը հերթական անգամ հաստատում Է, որ ահաբեկչությունը սահմաններ չի ճանաչում եւ սպառնում Է ամբողջ աշխարհի ժողովուրդներին: Ռուսաստանի նախագահը վստահություն Է հայտնել, որ մարդասպանները եւ նրանց հանցակիցներն իրենց արժանի պատիժը կկրեն, եւ կարեկցանքի խոսքեր Է փոխանցել զոհվածների հարազատներին ու մերձավորներին, ինչպես նաեւ շուտափույթ ապաքինում Է մաղթել բոլոր տուժածներին, հաղորդել Է ՏԱՍՍ գործակալությունը: