Իտալիայի առափնյա ծառայությունը և իռլանդական նավը Լիբիայի ափերի մոտ ավելի քան 500 ներգաղթյալների են փրկել շաբաթ օրը Միջերկրական ծովով անցնող մաքսանենգ նավերից:
Իտալական և իռլանդական նավերն ավելի քան 500 ներգաղթյալների են փրկել Միջերկարկան ծովում
ՍՏԵՓԱՆԱԿԵՐՏ, 28 մայիսի, ԱՐՑԱԽՊՐԵՍ: Associated Press-ի հաղորդմամբ` այս մասին տեղեկացրել են երկու երկրների պաշտոնական ներկայացուցիչները:
Իռլանդիայի ռազմաօդային ուժերի տեղեկացմամբ` Le Roisin նավը, որը մայիսին ծով էր դուրս եկել ներգաղթյալներին գտնելու և փրկելու նպատակով, 123 փախստականի է փրկել: Եվս մեկ մարդ զոհվել է:
Իտալիայի ռազմածովային ուժերին պատկանող նավը ռետինե նավով տեղափոխվող 101 ներգաղթյալների է փրկել: Իսկ Իտալիայի առափնյա ծառայության անձնակազմը հայտնել է ևս 322 ներգաղթյալների փրկության մասին:
Այս շաբաթվա ընթացքում Միջերկրական ծովում մի քանի հազար ներգաղթյալ է փրկվել:
Միգրացիոն հարցերով միջազգային կազմակերպության տվյալներով` տարեսզբից 194 611 մարդ է ժամանել Եվրոպա: Միևնույն ժամանակ 1475 մարդ անհետ կորած է համարվում: