«Արցախպրես»-ը շարունակում է ներկայացնել Արցախում մշակութային առաջիկա կարևոր միջոցառումների անոնսը։
«Արցախպրես»-ը ներկայացնում է Արցախում մշակութային առաջիկա միջոցառումների անոնսը
ՍՏԵՓԱՆԱԿԵՐՏ, 21 հուլիսի, ԱՐՑԱԽՊՐԵՍ: ԼՂՀ մշակույթի և երիտասարդության հարցերի նախարարությունը տեղեկացնում է որ հուլիսի 24-ին, ժամը 18։00-ին, Ստեփանակերտի մշակույթի և երիտասարդության պալատում տեղի կունենա Էսքիլեսի «Պարսիկները» ներկայացման առաջնախաղը։
Հուլիսի 25-ին, ժամը 16:00-ին, Ստեփանակերտի մշակույթի և երիտասարդության պալատում «Իմ Հայաստան» համահայկական փառատոնի շրջանակներում տեղի է ունենալու Թեհրանի «Զարթոնք» պարախմբի համերգը: Ծրագրում` հայկական և տարբեր ազգերի դասական պարեր: Մուտքն ազատ է:
Հուլիսի 25-ին, ժամը 19:00–ին, Ստեփանակերտի Սայաթ-Նովայի անվան երաժշտական քոլեջի դահլիճում տեղի կունենա «Չիկոս նյու տրիո» ջազ խմբի և «Դոլզ» խմբի համատեղ համերգը: Տոմսերը կարող եք ձեռք բերել ԼՂՀ մշակույթի և երիտասարդության պալատի տոմսարկղից, արժեքը` 1000 դրամ:
Հուլիսի 30-ին, ժամը 19:00-ին, ԼՂՀ մշակույթի և երիտասարդության պալատում տեղի է ունենալու Արցախի և ՀՀ-ի «Ուրախների և հնարամիտների ակումբ» ասոցացիայի համատեղ համերգ: Տոմսերը կարող եք ձեռք բերել ԼՂՀ մշակույթի և երիտասարդության պալատից:
Յուրաքանչյուր հինգշաբթի, ժամը 20:00-ին, Ստեփանակերտի Վերածննդի հրապարակում կազմակերպում է հեղինակային երգերի երեկո: Սիրով հրավիրում ենք վայելելու համերգային ծրագիրը: Ցանկացողները կարող են ներկայանալ նաև երաժշտական գործիքներով և հանդես գալ հեղինակային կատարումներով:
Հավելենք, որ «Արցախպրես»-ը պարբերաբար ներկայացնում է Արցախում տեղի ունեցող կարևորագույն միջոցառումների անոնսը: Ֆիզիկական և իրավաբանական շահագրգիռ անձանց հրավիրում ենք համագործակցության:
