Երևանի Ոստիկանության պարեկապահակային ծառայության գնդում «Սասնա ծռեր» զինված խմբի կողմից պատանդ վերցված չորս ոստիկաններից երկուսն ազատ են արձակվել, այս մասին «Շանթ» հեռուստաընկերության «Հորիզոն»-ի եթերում ասել է Արցախի հերոս, ԼՂՀ ԱԺ պատգամավոր Վիտալի Բալասանյանը, ում միջնորդությամբ նախորդ օրը տեղի է ունեցել Ազգային անվտանգության ծառայության տնօրեն Գեորգի Կուտոյանի և անդամ Վարուժան Ավետիսյանի հանդիպումը, որի ժամանակ էլ նման որոշում է կայացվել։
Պատանդ վերցված 4 ոստիկանից 2-ն ազատ են արձակվել. Վիտալի Բալասանյան
ՍՏԵՓԱՆԱԿԵՐՏ, 23 հուլիսի, ԱՐՑԱԽՊՐԵՍ: «Մեր այն տղաների հետ, որոնք գտնվում են զորամասում, մեր մարտական երիտասարդ հայ տղաների հետ համատեղ որոշում ենք կայացրել, որպեսզի քայլ անենք։ Եվ մենք շարքային երկու ոստիկաններին առանց որևէ պայմանի ազատ ենք արձակել։ Հիմա գործընթաց է գնում»«– ասել է նա։
Վիտալի Բալասանյանը նաև նշել է, որ իրենք պայմանավորվածություն ունեն, որ պետք է ստեղծվի մամուլի կետ՝ ՊՊԾ գնդի և ոստիկանության վերահսկողության տակ գտնվող տարածքի միջև ընկած չեզոք գոտում, որտեղից շուրջօրյա լրատվություն կապահովվի։
ԼՂՀ ԱԺ պատգամավորը նշել է, որ միաժամանակ այդ պահին ազատ կարձակվեն նաև Երևանի փոխոստիկանապետ Վալերի Օսիպյանն ու ՀՀ փոխոստիկանապետ Վարդան Եղիազարյանը։ «Հիմա դա ոչ թե փոխանակում է, դա չի կարելի ասել, որ փոխանակում է, դա քայլ է, որը կատարվում է մեր բոլորի կողմից իմ միջնորդությամբ»,– ասել է նա։
