Հանրապետությունում ավարտին է մոտենում հացահատիկայինների բերքահավաքը:
Հացահատիկայինների բերքահավաքն ավարտին է մոտենում. ցուցանիշների մասին ներկայացնում է մասնագետը
ՍՏԵՓԱՆԱԿԵՐՏ, 25 հուլիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԼՂՀ գյուղատնտեսության նախարարության բուսաբուծության և բույսերի պաշտպանության բաժնի պետ Վիլեն Ավետիսյանը:
«Ընթացիկ գյուղատնտեսական տարում բերքահավաքի ենթակա ավելի քան 57 հազար հեկտար տարածքից փաստացի հնձվել է 54 հազ. հա-ը: Արդեն հավաքվել է շուրջ 135 հազ. տոննա բերք, որը նախորդ տարվա նույն ժամանակահատվածի ցուցանիշը արդեն գերազանցում է ավելի քան 21 հազ. տոննայով»,- պարզաբանել է ԼՂՀ ԳՆ բուսաբուծության և բույսերի պաշտպանության բաժնի պետը:
Վ. Ավետիսյանի խոսքով, փաստացի հավաքված բերքից մոտ 86 հազար տոննան կազմել է ցորենը՝ նախորդ տարվա 63 հազար 313,7 տ-ի փոխարեն, իսկ 47 հազար 708,5 տ-ն գարին՝ նախորդ տարվա 46 հազար 12 տ-ի փոխարեն: Ցորենի միջին բերքատվությունը մեկ հեկտարի մասով այս տարի կազմել է 26,9 ցենտներ` նախորդ տարվա նույն ժամանակահատվածի 28,1 ց/հա-ի փոխարեն, իսկ գարու միջին բերքատվությունը մեկ հա-ից կազմել է 21.4 ցենտներ` նախորդ տարվա նույն ժամանակահատվածի 25.7 ց/հա-ի փոխարեն:
