Միավորված ազգերի կազմակերպության գլխավոր քարտուղարի պաշտոնում Բան Կի-մունին կփոխարինի Պորտուգալիայի նախկին վարչապետ Անտոնիո Գուտերեշը:
ՄԱԿ-ի հաջորդ Գլխավոր քարտուղարը Գյուլբենկյան հիմնադրամի հոգաբարձուների խորհրդի անդամ է
ՍՏԵՓԱՆԱԿԵՐՏ, 6 հոկտեմբերի, ԱՐՑԱԽՊՐԵՍ։ Այս մասին տեղեկացնում է The Guardian պարբերականը:
Անվտանգության խորհրդի անդամները քվեարկության վեցերորդ փուլում որոշում են կայացրել, որ հենց Գուտերեշն է, որ 2017 թվականի հունվարի մեկից ստանձնելու է ՄԱԿ-ի գլխավոր քարտուղարի պաշտոնը:
Անտոնիա Գուտերեշը 1995-2002 թթ. զբաղեցրել է Պորտուգալիայի վարչապետի, իսկ 2005 թվականի հունիսից մինչև 2015 թվականի դեկտեմբեր` ՄԱԿ-ի փախստականների հարցերով Գերագույն հանձնակատարի պաշտոնները:
Միաժամանակ Գուտերեշը 2013 թվականից Գալուստ Գյուլբենկյան հիմնադրամի հոգաբարձուների խորհրդի անդամ է: Խորհրդի կազմում նա ընդգրկված է մինչև 2018 թվականը: