ՈՒրբաթ 20.01.2017   18:01
ՍՏԵՓԱՆԱԿԵՐՏ   0° С
ՀԱՅ   |   РУС   |   ENG

21 հոկտեմբերի  12:42

Թուրքական լիրան ԱՄՆ դոլարի նկատմամբ ռեկորդային անկում է գրանցել, Թուրքիան բախվել է տնտեսական նոր ճգնաժամի

Թուրքիայի խանութների միության նախագահ Սինան Օնջելը հայտարարել է, որ երկրի տնտեսությունն ապրում է իր ամենադժվար շրջաններից մեկը:

ՍՏԵՓԱՆԱԿԵՐՏ, հոկտեմբերի 21, ԱՐՑԱԽՊՐԵՍ: «51 տարեկան եմ, նման բան չեմ տեսել», - ԹԵՐԹ.ամ-ի փոխանցմամբ՝ հայտարարել է նա: 

Օնջելի խոսքով՝ Թուրքիայում մեկը մյուսի հետևից փակվող խանութների տերերը դժգոհ են վարձակալության աճող գներից, ինչպես նաև մեծ դեր է խաղում այն, որ վերջին շրջանում թուրքական լիրան դոլարի նկատմամբ շատ է արժեզրկվել: Ներկայում 1 ԱՄՆ դոլարն արժե 3.0974 լիրա, ինչը պատմական ռեկորդ կարելի է համարել:

«Խանութների եկամուտների նվազման պատճառների թվում են հուլիսի 15-ի հեղաշրջման փորձը, ինչպես նաև դրանից առաջ և հետո զբոսաշրջային ոլորտում եղած կորուստները: 51 տարեկան եմ, նման բան չեմ տեսել: Վերջին տարվա ընթացքում ինչ ասես եղավ: Ինչպե՞ս կարող ենք չնկատել Ռուսաստանի հետ հարաբերությունների ճգնաժամից հետո զբոսաշրջիկների թվի նվազումը», - ասել է Սինան Օնջելը: 

Հիշեցնենք, որ հուլիսի 15-ին Թուրքիայում տեղի է ունեցել ռազմական հեղաշրջման փորձ: Դրան հաջորդել են ձերբակալությունները երկրի զինված ուժերում և այլ կառույցներում, փակվել են բազմաթիվ թերթեր, կազմակերպություններ, կենտրոններ, երկրում հայտարարվել է արտակարգ դրություն: Հեղաշրջման փորձի համար Թուրքիայի նախագահ Ռեջեփ Թայիփ Էրդողանը մեղադրում է «Հիզմեթ» («Ծառայություն») կրոնական շարժման հիմնադիր և իր հակառակորդ Ֆեթուլլահ Գյուլենին, որը ներկայում բնակվում է ԱՄՆ Փենսիլվանիա նահանգում:

Artsakhpress.am


Տես նաեվ՝

    Լրահոս

    Բոլոր նորությունները »

    Ֆեյսբուք

    Ամենաընթերցվածը

    ամիս

    շաբաթ

    օր

    Արխիվ
    Հարցում
    Քվեարկել են (235)  |  Այլ հարցում
    Բոլոր իրավունքները պաշտպանված են: © Artsakhpress.am 2017
    Մեջբերումներ անելիս հղումը «artsakhpress.am»-ին պարտադիր է:

    Մեր հասցեն՝ Արցախի Հանրապետություն, Ստեփանակերտ, Մեսրոպ Մաշտոց փողոցի 5
    Հեռ՝ (+374) 960406
    էլ.փոստ՝ info@artsakhpress.am