Համաշխարհային բանկը հրապարակել է «Զանգվածային սպառման ապրանքների շուկաների հեռանկարները» ամենամյա զեկույցը, որում նշվում է, որ նավթարդյունահման կրճատման մասին ՕՊԵԿ համաձայնագիրը հաշվի առնելով՝ հում նավթի գները 2017-ին կարող են աճել մինչեւ 55 դոլար բարելի դիմաց։
Համաշխարհային բանկը բարձրացրել է 2017-ի համար հում նավթի գների կանխատեսումը
ՍՏԵՓԱՆԱԿԵՐՏ, հոկտեմբերի 21, ԱՐՑԱԽՊՐԵՍ: Նախկին կանխատեսումների համաձայն՝ այդ ցուցանիշը 53 դոլար էր։
Զեկույցը կանխատեսում է, որ 2016-ին հում նավթի միջազգային գները միջինում 43 դոլար կկազմեն, եւ այս ցուցանիշը անփոփոխ է մնում հուլիսի կանխատեսումների համեմատ։
Համաշխարհային բանկի կանխատեսումներով՝ նավթի գների աճի ազդեցության տակ բոլոր էներգակիրների գները, այդ թվում՝ ածուխինը, 2017-ին կաճեն 25 տոկոսով։
ՀԲ կանխատեսումներով՝ հաշվի առնելով պահանջարկի վերականգնումն ու առաջարկի կրճատումը՝ 2017-ին ակնկալվում է զանգվածային սպառման ապրանքների գների աճ։ Այսպես՝ մետաղի եւ օգտակար հանածոների գները կաճեն 4.1 տոկոսով, իսկ գյուղատնտեսական արտադրանքի գները՝ 1.4 տոկոսով։