Ապրիլյան պատերազմից հետո ազատամարտիկները պարբերաբար բարձրաձայնում են, որ մարտի դաշտում պետք է օգտագործել նաև սփյուռքի ներուժը, հնչում են տարբեր առաջարկներ, մասնավորապես ազատամարտիկ Վովա Վարդանովն առաջարկում է «Արի տուն» ծրագիրը վերանվանել՝ «Արի դիրքեր», կամ «Արի տուն, հետո՝ դիրքեր»։
«Արի տուն, հետո՝ դիրքեր».սփյուռքահայերը ևս պետք է մասնակցեն հայրենիքի պաշտպանության գործին.Արկադի Կարապետյանվ
ՍՏԵՓԱՆԱԿԵՐՏ, դեկտեմբերի 10, ԱՐՑԱԽՊՐԵՍ: Վարդանովը նշել էր, որ «Արի տուն» ծրագրով սփյուռքի հայ երեխաներն ու երիտասարդները ծանոթանում են Հայաստանի տեսարժան վայրերին, գնում թանգարաններ, խորոված, ծիրան ուտում ու լքում Հայաստանը:
«Սփյուռքը հսկայական ռեզերվ է, որը մենք չենք օգտագործում: Սփյուռքահայ երիտասարդների համար պետք է կազմակերպվեն ռազմական կարճատև ճամբարներ ու մարտական պատրաստության արագացված կուրսեր»,-ընդգծել էր նա:
Tert.am-ի հետ զրուցում ԼՂՀ ինքնապաշտպանական ուժերի առաջին հրամանատար Արկադի Կարապետյանը ընդգծել է, որ «Արի դիրքեր» սփյուռքահայերին ուղղված առաջարկը ընդունելի է և այն պետք է խրախուսվի պետական մակարդակով։
«Որպես հայ, եթե, իհարկե, իրենց լիարժեք հայ են զգում պետք պատրաստ լինեն հարկ եղած դեպքում մասնակցել հայրենիքի պաշտպանության գործին, ինչի ՞ օրինակ Չեչնիայից կգնան Սիրիա կկռվեն, ի ՞ նչ է սփյուռքահայը չի՞ կարող գալ իր պատմական հայրենիքը պաշտպանելու, մեր զինվորի կողքին կանգնելու»,-ասել է հրամանատարը։
Արկադի Կարապետյանը, անդրադառնալով այն հարցին թե արդյոք սփյուռքահայ երիտասարդները կցանկանա՞ն հարկ եղած դեպքում բարձրանալ դիրքեր, եթե պարբերաբար սփյուռքից ինչ-որ բան ենք խնդրում ՝ ներդրումների տեսքով, որոնք հաճախ նաև փոշիանում են, ինչի հետևանքով կա նաև հիասթափություն։ Արկադի Կարապետյանը պատասխանել է, որ հայրենիքից չեն հիասթափվում, չեն նեղանում։
«Հիասթափվելը կարող է իշխանությունից հիասթափվել, եթե իր հայությունից հիասթափվում է, ուրեմը մարդ չէ ,սփյուռքահայերը, որ գալիս են ստեղ գործ են դնում ես չեմ տեսել, որ նորմալ հայի հետ գործ դնեն, ինչի ՞ է ըտենց չգիտեմ, երևացող սիրուն բաների հետևից են վազվզում, չեն հասկանում խորքում ինչ է կատարվում, հետո էլ դժգոհում են, բայց դրա մեջ պատերազմի առաջ կանգնած զինվորները հո մեղք չունեն , երկրորդն էլ սփյուռքահայից հասարակ ժողովուրդը հո փող չի ուզում, իշխանություններն են ուզում, եթե ցանկանում են՝ կտան, իրենց ընտրությունն է, եթե նեղանալով լինի, ուրեմն ես էլ ինչ-որ մեկից ստեղ կարող է նեղացած լինեմ, ուրեմը պիտի թողնեմ-գնամ հայրենիքից, զինվորից նեղանամ, ո՛չ»,- ընդգծել է ազատամարտիկը։
Ըստ նրա՝ բանակում սոցիալական հավասարության խնդիր կա, հիմնականում դիրքերում անապահով ընտանիքների զավակներն են, բայց դա սփյուռքահայի համար հիմք չի կարող լինել՝ զինվորին օգնելու հարցում։
«Եթե ուզում է՝ կգա, եթե չէ՝ չէ, հիմա անարդարություն կա, ուրեմն մեզանից ոչ մեկը չպիտի՞ գնա ծառայության, հայրենիքից հիասթափվեցիր, նշանակում է արմատ, հոգևոր արժեք չունեցող մարդ ես»։
Արկադի Կարապետյանը նաև հիշեցրել է, որ սփյուռքից դեռ Արցախյան պատերազմի տարիներին պաշտպանության հարցում ներգրավածները քիչ են եղել։
«Այ մարդ սփյուռքից քանի մարդ է եկել , 50 մարդ էլ չի եկել, Մոնթեն է եկել, իրա ցավն էլ տանեմ, իրա պարտքը հայրենիքի առաջ կատարել է, բայց դե գրում են չէ՞ սփյուռքը մեզանից թվով մի երկու-երեք անգամ ավել է, այդ համեմատականով քա նի ՞ հոգի են եկել կռվելու, ես իրանցից չեմ նեղանում, դա իրենց պրոբլեմն է, իրենց գործն է, ոչ մեկին չեմ դատում, եթե կոչին արձագանքեն անհրաժեշտության դեպքում գան՝լավ կլինի »։
