Երկուշաբթի 18.12.2017   10:12
ՍՏԵՓԱՆԱԿԵՐՏ   5 C°
ՀԱՅ   |   РУС   |   ENG

5 հունվարի  22:08

Արամ Ա կաթողիկոսը Հալեպում է. տեղի Սուրբ Աստվածածին եկեղեցում հանդիպել է հալեպահայերին

Մեծի Տանն Կիլիկիո Արամ Ա կաթողիկոսն այսօր՝ հունվարի 5-ին, Հալեպում հանդիպել է հայ համայնքի ներկայացուցիչների հետ:

ՍՏԵՓԱՆԱԿԵՐՏ, հունվարի 5, ԱՐՑԱԽՊՐԵՍ: «Գանձասար» թերթից տեղեկանում ենք, որ Արամ Առաջինը հալեպահայերին հանդիպել է տեղի Սուրբ Աստվածածին եկեղեցում: Կաթողիկոսը, դիմելով հավաքվածներին, մասնավորապես ասել է.

«Անցնող հինգ տարիների ընթացքում Սիրիայի հայությունը եւ մասնավորապես Հալեպի հայ համայնքը տառապել է եւ ահավոր դժվարությունների դիմաց կանգուն մնացել: Ճիշտ է՝ այդ տարիների ընթացքում ես ձեր կողքին չէի, սակայն վստահեցնում եմ, որ իմ աղոթքներով եւ աշխատանքով ձեր կողքին եմ եղել, դուք իմ կյանքում մնայուն եւ առանցքային տեղ եք զբաղեցնում:

Անցնող հինգ տարիների ընթացքում դուք շրջապատված եք եղել ահավոր դժվարություններով: Հաճախ մահն ու սարսափը պատել են ձեր կյանքը, սակայն ձեր քրիստոնեական հավատքի, ամուր կամքի շնորհիվ կանգուն ենք մնացել: Այսօր եկել եմ ձեզ ասելու, որ մենք բոլորս պետք է վերականգնենք եւ վերաշխուժացնենք մեր համայնքային կյանքը:

Ճիշտ է՝ անցած հինգ տարիների ընթացքում մեր սիրելի զավակներից մի քանիսը հեռացան, սակայն հալեպահայությունը, ինչպես տեսնում եմ, կանգուն է եւ վերականգնվող ոգով եւ հավատքով պետք է շարունակի իր ազգային, եկեղեցակա կյանքը:

Երեկ առիթ եմ ունեցել հանդիպելու Սիրիայի նախագահի հետ: Նախագահը մեծ գնահատականի եւ սիրով է խոսել հալեպահայերի մասին: Նրա կողմից նման մոտեցում եզակի երեւույթ է, իսկ Սիրիայի հայությունն իսկապես արժանի է նման գնահատականի»,- ասել է նա:

Եզրափակելով խոսքը՝ Վեհափառ հայրապետն ասել է, որ ամբողջ հայությունն է հաեպահայերի կողքին եւ սիրիահայ համայնքի վերականգնումը համահայկական մտահոգություն է. «Այստեղ ենք եկել ձեզ հայտնելու, որ Կիլիկիո կաթողիկոսությունը ամբողջական նվիրումով հանձն է առնում սիրիահայության վերականգնման անհետաձգելի առաքելությանը»:

Նշենք, որ վաղը՝ Սուրբ ծննդին, Արամ Առաջինը Հալեպում մատուցելու է սուրբ պատարագ:

Artsakhpress.am


Տես նաեվ՝

    Լրահոս

    Բոլոր նորությունները »

    Ֆեյսբուք

    Արխիվ
    Հարցում
    Քվեարկել են (235)  |  Այլ հարցում
    Բոլոր իրավունքները պաշտպանված են: © Artsakhpress.am 2017
    Մեջբերումներ անելիս հղումը «artsakhpress.am»-ին պարտադիր է:

    Մեր հասցեն՝ Արցախի Հանրապետություն, Ստեփանակերտ, Մեսրոպ Մաշտոց փողոցի 5
    Հեռ՝ (+374) 960406
    էլ.փոստ՝ info@artsakhpress.am