Կիրակի 19.11.2017   18:11
ՍՏԵՓԱՆԱԿԵՐՏ   10 C°
ՀԱՅ   |   РУС   |   ENG

11 հունվարի  12:22

Թուրքիան եվրոպական ինտեգրման հարցում իր փորձառությունը կարող է սկսել Հյուսիսային Կիպրոսից. Յըլդըրըմ

Թուրքիայի վարչապետ Բինալի Յըլդըրըմը խոսել է Կիպրոսի հիմնախնդրի շուրջ ժնևյան բանակցությունների մասին և նշել, որ եթե կղզու վերամիավորման արդյունքում հյուսիսային հատվածը նույնպես մեխանիկորեն դառնա Եվրամիության մաս, ապա պետք է հաշվի առնել նաև Հյուսիսային Կիպրոսի` Թուրքիայի հետ հարաբերությունների հետագա ընթացքն անխափան ապահովելու հարցը:

ՍՏԵՓԱՆԱԿԵՐՏ, հունվարի 11, ԱՐՑԱԽՊՐԵՍ։ Այս մասին գրում է թուրքական «Ջումհուրիյեթ» պարբերականը: 

«Իսկ Թուրքիայի հետ հարաբերություններն ինչպե՞ս պետք է լինեն այդ դեպքում: Պետք է ապահովել նաև Թուրքիայի քաղաքացիների` Կիպրոսի թուրքական հատված ազատ ելումուտը, այդ հարցում չի կարելի անարդարացի լինել: Ի դեպ, Թուրքիան կարող է եվրոպական ինտեգրման հարցում իր փորձառությունը սկսել հենց Հյուսիսային Կիպրոսից», - ասել է Յըլդըրըմը: 

Նշենք, որ օրերս Ժնևում մեկնարկել է Կիպրոսի հիմնախնդրի շուրջ կղզու թուրքական և հունական կողմերի առաջնորդների միջև բանակցությունները: ՄԱԿ-ի նոր գլխավոր քարտուղար Անտոնիո Գուտերեշը ժնևյան բանակցությունները նկարագրել է որպես առաջընթացի համար «պատմական հնարավորություն»: Կիպրոսի կղզին վերամիավորելու նախկինում արված փորձերը տապալվել են:

Ինչպես ավելի վաղ հայտնել է tert.am-ը` եթե կողմերն այս անգամ առաջընթաց գրանցեն` բանակցություններին կմիանան Կիպրոսի անվտանգության երաշխավոր երկրների՝ Մեծ Բրիտանիայի, Հունաստանի և Թուրքիայի առաջնորդները:

Կղզին բաժանված է մնում 1974 թվականից ի վեր:

Artsakhpress.am


Տես նաեվ՝

    Լրահոս

    Բոլոր նորությունները »

    Ֆեյսբուք

    Ամենաընթերցվածը

    ամիս

    շաբաթ

    օր

    Արխիվ
    Հարցում
    Քվեարկել են (235)  |  Այլ հարցում
    Բոլոր իրավունքները պաշտպանված են: © Artsakhpress.am 2017
    Մեջբերումներ անելիս հղումը «artsakhpress.am»-ին պարտադիր է:

    Մեր հասցեն՝ Արցախի Հանրապետություն, Ստեփանակերտ, Մեսրոպ Մաշտոց փողոցի 5
    Հեռ՝ (+374) 960406
    էլ.փոստ՝ info@artsakhpress.am