Հինգշաբթի 25.05.2017   14:05
ՍՏԵՓԱՆԱԿԵՐՏ   15 C°
ՀԱՅ   |   РУС   |   ENG

11 հունվարի  15:17

Իրաքի դեսպանը հայտնել է Բաշիքայից թուրք զինվորների հետ քաշվելու ժամկետի մասին

Թուրքիայում Իրաքի դեսպան Սալիհ էլ-Օբադին խոսել է Բաշիքայից թուրքական զորքերի հետ քաշվելու ժամկետների մասին:

ՍՏԵՓԱՆԱԿԵՐՏ, հունվարի 11, ԱՐՑԱԽՊՐԵՍ-ԱՐՄԵՆՊՐԵՍ:  Այս մասին տեղեկացնում է T24.com.tr լրատվամիջոցը:

Դեսպանը տեղեկացրել է, որ Մոսուլի ազատագրման գործողությունները կավարտվեն երեք ամսվա ընթացքում: Դրանից հետո, ըստ դիվանագետի, Բաշիքայի ճամբարում գտնվող թուրք զինվորները հետ կքաշվեն: «Երբ լուծվի Բաշիքայի հարցը, կքննարկվեն մյուս համագործակցությունները: Մենք չենք ակնկալում, որ Թուրքիան գործողություններ իրականացնի Իրաքի տարածքում»,- ասել է նա:

Թուրքական զորքերը տեղակայված են Մոսուլի Բաշիքայի ռազմաբազայում: Դրանք այդտեղ են հաստատվել դեռևս 2015 թվականից` «Իսլամական պետություն» ահաբեկչական խմբավորման դեմ պայքարում իրաքցի զինվորներին և քրդական փեշմերգային վարժեցնելու հիմնավորմամբ: 2016 թվականի հոկտեմբերին Թուրքիայի մեջլիսը կողմ էր քվեարկել Իրաքում շուրջ 2 հազարանոց զինված ուժերի տեղակայման ժամկետի երկարաձգմանը` պատճառաբանելով դա «ահաբեկչական խմբավորումների դեմ պայքարելու անհրաժեշտությամբ»:

Իրաքը, սակայն, դատապարտել էր պաշտոնական Անկարայի նման որոշումը: Պաշտոնական Բաղդադը կատարվածն անվանել էր Իրաքի ինքնիշխանության իրավունքի ոտնահարում` պահանջելով դուրս բերել զորքերն իր տարածքից: Այդուհանդերձ, թուրքական կողմը մերժել էր այդ պահանջը` երկարատև լարվածություն առաջացնելով թուրք-իրաքյան հարաբերություններում: 

 

Artsakhpress.am



Լրահոս

Բոլոր նորությունները »

Ֆեյսբուք

Ամենաընթերցվածը

ամիս

շաբաթ

օր

Արխիվ
Հարցում
Քվեարկել են (235)  |  Այլ հարցում
Բոլոր իրավունքները պաշտպանված են: © Artsakhpress.am 2017
Մեջբերումներ անելիս հղումը «artsakhpress.am»-ին պարտադիր է:

Մեր հասցեն՝ Արցախի Հանրապետություն, Ստեփանակերտ, Մեսրոպ Մաշտոց փողոցի 5
Հեռ՝ (+374) 960406
էլ.փոստ՝ info@artsakhpress.am