Կիրակի 28.05.2017   16:05
ՍՏԵՓԱՆԱԿԵՐՏ   18 C°
ՀԱՅ   |   РУС   |   ENG

11 հունվարի  16:08

Ստեփանակերտի պատկերասրահում ամանորյա ցուցահանդես է բացվել (լուսանկարներ)

Ստեփանակերտի պատկերասրահն անցած տարի ունեցել է շուրջ 2000 այցելու:

ՍՏԵՓԱՆԱԿԵՐՏ, հունվարի 11, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է պատկերասրահի տնօրեն Ելենա Դադայանը և նշել, որ այցելուները ինչպես տեղացիներ այնպես էլ զբոսաշրջիկներ են:

«Տարվա ընթացքում կազմակերպել ենք 20-ից ավել ցուցահանդեսներ: Պատկերասրահն ունի նաև իր սեփական ֆոնդը, որը համալրված է տեղական և օտարերկրացի գեղանկարիչների և քանդակագործների 400 աշխատանքներով»,- ասել է  Ե. Դադայանը:

Պատկերասրահի տնօրենի խոսքով՝ դեկտեմբերի 29-ին՝ Ամանորի և Սուրբծննդյան տոների առիթով բացվել է տոնական ցուցահանդես, որը կգործի մինչև փետրվարի վերջը:

Ցուցահանդեսում հիմնականում ներկայացված են Հայաստանի Հանրապետության հայտնի նկարիչների  և  քանդակագործների  աշխատանքներ:

Նշենք, որ Ստեփանակերտ քաղաքի պատկերասրահը հիմնադրվել է 1982 թվականին։ Երկար ընդմիջումից հետո, 2001 թվականի հուլիսի 12-ին պատկերասրահը վերաբացվել է և ժամանակավոր տեղակայվել Ստեփանակերտի քաղաքապետարանի առաջին հարկի դահլիճում։ 2013 թվականի հոկտեմբերի 12-ին շենքային նոր պայմաններ են տրվել:

Artsakhpress.am


Տես նաեվ՝

    Լրահոս

    Բոլոր նորությունները »

    Ֆեյսբուք

    Արխիվ
    Հարցում
    Քվեարկել են (235)  |  Այլ հարցում
    Բոլոր իրավունքները պաշտպանված են: © Artsakhpress.am 2017
    Մեջբերումներ անելիս հղումը «artsakhpress.am»-ին պարտադիր է:

    Մեր հասցեն՝ Արցախի Հանրապետություն, Ստեփանակերտ, Մեսրոպ Մաշտոց փողոցի 5
    Հեռ՝ (+374) 960406
    էլ.փոստ՝ info@artsakhpress.am