Քաշաթաղի շրջանի Վուրգավան համայնքի միջնակարգ դպրոցում երեկ՝ հունվարի 10-ին, «Արմաթ» ինժեներական լաբորատորիա է բացվել:
Վուրգավանի դպրոցում «Արմաթ» ինժեներական լաբորատորիա է բացվել
ՍՏԵՓԱՆԱԿԵՐՏ, հունվարի 11, ԱՐՑԱԽՊՐԵՍ: Լաբորատորիան բացվել է ՀՀ Ինֆորմացիոն տեխնոլոգիաների ձեռնարկությունների միության կողմից:
«Այս կենտրոնները եզակի հնարաորություն են երեխաների համար՝ շփվելու և ժամանակակից աշխարհի հետ մրցունակ լինելու,- բացման հանիսավոր խոսքում ասել է ԻՏՁՄ համակարգող Սեդրակ Վարդանյանը:
Դպրոցի տնօրեն Մկրտիչ Փոթոյանը իր շնորհակալությունն է հայտնել Ինֆորմացիոն տեխնոլոգիաների ձեռնարկությունների միությանը «Արմաթ» լաբորատորիա հիմնելու համար: Նրա խոսքով, դպրոցականների շրջանում մեծ ոգևորություն է առաջացրել լաբորատորիայի բացումը և նշել, որ բազմաթիվ աշակերտներ արդեն ցանկություն են հայտնել մասնակցել խմբակների աշխատանքներին: