Հունվարի 20-ին Ստեփանակերտի «Նադեժդա» հանդիսությունների սրահում «Տաշիր» բարեգործական հիմնադրամի կողմից Արցախի 213 ընտանիքներում 2016թ.-ին ծնված չորրորդ երեխաներին կտրամադրվի 4000-ական դոլար:
«Տաշիր» -ի կողմից չորրորդ երեխաներին դրամական աջակցությունը կտրամադրվի հունվարի 20-ին
ՍՏԵՓԱՆԱԿԵՐՏ, հունվարի 18, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում տեղեկացրել է ԼՂՀ աշխատանքի և սոցիալական հարցերի նախարարության ընտանիքի և երեխաների հիմնահարցերի վարչության պետ Սամվել Դադայանը և նշել, որ ծնողներին տրամադրվելու են կտրոններ, իսկ գումարներն ստանալու են «Արցախբանկ»-ից:
«Մենք հիմա կատարում ենք նախապատրաստական աշխատանքներ, բոլոր ընտանիքներն արդեն տեղեկացված են միջոցառման մասին»,- ասել է Ս. Դադայանը:
Հիշեցնենք, որ հունվարի 13-ին Հադրութի շրջանի Ակնաղբյուր գյուղում ԼՂՀ վարչապետ Արայիկ Հարությունյանը հայտարարել է, որ Սամվել Կարապետյանի այս ծրագիրն ուժի մեջ է լինելու 3 տարի շարունակ: Այսինքն՝ այն ընտանիքները, որոնցում 2016-2018թթ.-ի ընթացքում ծնվեն իրենց չորրորդ բալիկները, «Տաշիր» հիմնադրամի կողմից կստանան նշյալ գումարը: