Սուրբ Աստվածածնի եկեղեցին, Լոս Անջելեսի հայկական կաթոլիկ եկեղեցին, ապաստան է դարձել ոչ միայն հայերի, այլեւ տարբեր դավանանքների տասնյակ փախստականների համար, որոնք փրկվել են պատերազմներից ու հետապնդումներից, ասում է տեր հայր Դավիդ Բեդորոսյանը։
Տարբեր դավանանքների փախստականներն օգնություն են գտնում Լոս Անջելեսի հայկական եկեղեցում
ՍՏԵՓԱՆԱԿԵՐՏ, փետրվարի 18, ԱՐՑԱԽՊՐԵՍ: «Մեկ օրում ես մոտ 15-20 զանգ եմ ստանում սիրիացիներից, որոնք խնդրում են ֆինանսական, բարոյական ու նյութատեխնիկական աջակցություն։ Նրանք ապաստանի կարիք ունեն։ Ես նրանց միջեւ խտրականություն չեմ դնում»,- ասել է Բեդրոսյանը։
Նա նշում է, որ փախստականները նստում են եկեղեցու աստիճաններին ու խնդրում են կանչել «աբունային» (արաբերեն՝ «հայր»), հաղորդում է Քալիֆորնիայի հարավային ռադիոն։
Բոլոր փախստականների համար լինելով «հայր» ՝ ուսուցիչ, թարգմանիչ, խորհրդական՝ աշխատանքային, ընտանեկան ու իրավական հարցերով, հոգեւորական, հայր, հենց նա է այդ մարդկանց վերջին հույսը։
ԱՄՆ նախագահ Դոնալդ Թրամփի վերջին իմիգրացիոն հրամանագրից հետո փախստականների աղետալի վիճակը ավելի է վատացել։ Նույնիսկ այն դեպքում, երբ ԱՄՆ կառավարությունը կատարում է դաշնային դատարանի որոշումը՝այդ հրամանագրի գործողությունը դադարեցնելու մասին, միեւնույն է ամեն ինչ շատ վատ է։ «Ես չեմ ուզում միջամտել քաղաքականությանը, բայց մենք պետք է ապաստան գտնենք այս մարդկանց համար, ու մուսուլմանական երկրները նույնպես պետք է մասնակցեն դրան»,- ասում է հոգեւորականը։
Բեդրոսյանը ծնվել է 1968-ին Սիրիայի Ղամիշլի գյուղում։ Սակայն Սիրիայում ստեղծված իրավիճակի պատճառով նա ստիպված է եղել թողնել իր տունը, ընտանիքը ու հեռանալ։ Դրանից հետո նրա ընտանիքի վեց անդամներին ու ընկերները սպանվել են ԻՊ ահաբեկիչների կողմից։ «Մայրս մահացել է 2013-ին Սիրիայում բժիշկների պակասի պատճառով, իսկ կրտսեր եղբայրս մահացել է մեկ տարի հետո, քանի որ տառապում էր հետտրավմատիկ սթրեսային խանգարումից»,- պատմել է նա։
Բեդրոսյանը նշում է, որ մինչ այդ իրենց տարեկան ընդամենը մի քանի փախստական էր դիմում, բայց հիմա ինքն ամեն շաբաթ է դիմումներ ստանում։ «Անհնար է բոլորին օգնել, դրա համար էլ ես կենտրոնանում եմ ամենակարիքավորների վրա»,-ասում է նա։
