ՌԴ ԱԳՆ-ում հայտարարել են, որ Ռուսաստանից Աբխազիա С-300 զենիթահրթիռային համալիրներ ուղարկելու մասին լուրերը չեն համապատասխանում իրականությանը, հաղորդում է «Ինտերֆաքս»-ը։
ՌԴ ԱԳՆ-ն հերքել է Վրաստանից Հայաստան ռազմական շարասյուն անցնելու մասին հաղորդագրությունները
ՍՏԵՓԱՆԱԿԵՐՏ, մարտի 24, ԱՐՑԱԽՊՐԵՍ: «Քարոզչական աղմուկի համար առիթ է դառնում ամեն ինչ՝ եւ Աբխազիայի օրինաչափ որոշումը՝ օպտիմիզացնել անցակետերի թիվը Վրաստանի հետ իր սահմանին, եւ երկկողմանի համաձայնագիրը, որը Հարավային Օսեթիայի քաղաքացիներին թույլ է տալիս անհատական պայմանագրերով ծառայել ռուսական բանակում, եւ իբր թե Աբխազիայում հավելյալ С-300 դիվիզոնի տեղակայման մասին լուրերը։ Եւ արդեն ամբողջությամբ ֆանտաստիկ մի պատմություն՝ Վրաստանից Հայաստան ռազմական շարասյուն անցնելու մասին», - ասվում է ՌԴ ԱԳն կայքի հաղորդագրությունում։
ՌԴ ԱԳՆ-ում նշել են, որ այդ ամբողջ քաղաքական թատրոնը նվիրված է մարտի 28-29-ին Ժնեւում կայանալիք քննարկումների հերթական փուլին։
«Ըստ երեւույթին, Թբիլիսին պատրաստվում է շարունակել ժնեւյան հարթակում եկխոսության սաբոտաժը։ Ահա եւ ձեւավորվում է ճիշտ ժամանակին համապատասխան առճակատային- հիստերիկ մթնոլորտ», - ասվում է հաղորդագրությունում։