Հիսուս Քրիստոսի հրաշափառ Հարության տոնը քրիստոնեական ամենամեծ և լուսավոր տոներից է:
Դադիվանքում այսօր մեծ շուքով նշվել է Սուրբ Զատիկը (լուսանկարներ)
ՍՏԵՓԱՆԱԿԵՐՏ, 16 ապրիլի, ԱՐՑԱԽՊՐԵՍ: Այն կոչվում է նաև Պահք, որն ունի մաքրագործական և ճգնակեցական նշանակություն։
«Քրիստոս հարյավ ի մեռելոց» ավետիսով մարդկության համար սկիզբ առավ նոր կյանքի, նոր գարնան պայծառ առավոտը: «Օրհնյալ է Հարությունը Քրիստոսի»՝ կյանքի առաջին իրական հաղթանակը մահվան նկատմամբ:
Հայերեն Պահքը կոչվում է նաև Զատիկ, որը նշանակում է զատվել, հեռանալ զազիր, անմաքուր ու դժնդակ խորհուրդներից և դառնալ բարու գործակից: Սա խորհրդանշում է անցումը չարից դեպի բարին, պակասությունից դեպի լիություն, անպիտանությունից և չար գործերից՝ դեպի պիտանություն ու առաքինի վարք: Սբ. Հարության տոնին հավատացյալները միմյանց ողջունում են «Քրիստոս հարյավ ի մեռելոց» ավետիսով, պատասխանում՝ «Օրհնյալ է Հարությունը Քրիստոսի»:
Այսօր վաղ քրիստոնեական մենաստան Դադիվանքում (4-6 դդ.) մատուցվել է Սուրբ Պատարագ՝ նվիրված Հիսուս Քրիստոսի Հարության տոնին, որը կատարվել է Պաշտպանության նախարարության հոգևոր ծառայության առաջին պատասխանատու Տ. Վրթանես վարդապետ Աբրահամյանի ձեռամբ:
Պատարագի վերջում տեղի է ունեցել զինվորների մկրտության արարողություն:
Վանական համալիրի բակում պարում և երգում էին երեխաները: Համերգային ծրագրով հանդես է եկել Արցախի «Մենք ենք, մեր սարերը» երգի-պարի պետական համույթը:
Տեղում թխել են արցախյան ժենգյալով հաց, հյուրերի համար սեղան էր բացված. մատուցվում էր մատաղ արված գառան միս, զատկական տոնին հատուկ ավանդական ուտեստներ, ձուկ, կանաչեղեն, գաթաներ, ներկած ձվեր:
Ի սրտե շնորհավորում եմ Ձեզ զատկական տոնի կապակցությամբ. խաղաղություն, բարիք և սեր բոլորիդ: Թող Աստված պահպանի մեզ և աջակցի մեր բոլոր բարի գործերին:
Պաշտպանության նախարարության հոգևոր ծառայության առաջին պատասխանատու Տ. Վրթանես վարդապետ Աբրահամյան
Ժողովուրդն ու զինծառայողները…
Զինվորների մկրտության արարողություն
«Մենք ենք, մեր սարերը» երգի-պարի պետական համույթի սոլիստները
ԱՀ մշակույթի և երիտասարդության հարցերի նախարար Նարինե Աղաբալյանը (կենտրոնում), ձախից փառատոնի նախաձեռնող Մարիամ Պիլաֆյանն է, աջից՝ ԱԺ մամլո ծառայության ղեկավար Լիլիթ Ասրյանը
Ալբերտ Ոսկանյան՝ հատուկ «Արցախպրես»-ի համար
