ԵԱՀԿ Մինսկի խմբի ջանքերը շատ կարևոր են՝ զինադադարի պահպանման և, իհարկե, խաղաղության վերջնական հաստատման առումով:
Հետաքննության մեխանիզմը մենք միակողմանի արդեն ներդրել ենք. Լևոն Մնացականյան
ՍՏԵՓԱՆԱԿԵՐՏ, 5 մայիսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր կայացած մամլո ասուլիսի ժամանակ ասել է պաշտպանության նախարար Լևոն Մնացականյանը:
«Իհարկե, ցանկալի է, որ հրադադարի խախտման վերաբերյալ ԵԱՀԿ Մինսկի խմբի կողմից հնչող գնահատականներն ավելի հասցեական լինեն: Այս առումով, կարծում եմ, շատ կարևոր են ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկի թիմի կարողությունների ավելացման վերաբերյալ համաձայնության իրականացման ուղղությամբ ձեռնարկվող քայլերը: Մասնավորապես՝ առաջնագծում հետաքննական մեխանիզմների ներդրման վերաբերյալ մենք տվել ենք մեր համաձայնությունը: Ավելին, դիտարկման, տեսանկարահանող սարքերի տեղադրմամբ, կարելի է ասել, մենք միակողմանի արդեն ստեղծել ենք այդ մեխանիզմը, սակայն Ադրբեջանի կողմից, ցավոք սրտի, այս ուղղությամբ դեռևս որևէ առաջընթաց չկա»,- ասել է ԱՀ պաշտպանության նախարարը: