Շուշիի կերպարվեստի թանգարանում այսօր տեղի է ունեցել «Պատանի բնագետ» հանրապետական երկրորդ բրեյն-ռինգը՝ նվիրված թանգարանների միջազգային օրվան:
Շուշիի կերպարվեստի թանգարանում տեղի է ունեցել բրեյն-ռինգ՝ նվիրված թանգարանների միջազգային օրվան
ՍՏԵՓԱՆԱԿԵՐՏ, 18 մայիսի, ԱՐՑԱԽՊՐԵՍ: Միջոցառումը կազմակերպվել է «Ապագա սերունդների հիմնադրամ» և ԱՀ մշակույթի և երիտասարդության հարցերի նախարարության կողմից, որին մասնակցել են Արցախի շրջաններից տաս թիմեր: «Արցախպրես»-ի թղթակցի հետ զրույցում Շուշի քաղաքի թանգարաններ ՊՈԱԿ-ի տնօրեն Լուսինե Գասպարյանն ասել է, որ այս թանգարանների նկատմամբ միջոցառումը պատանիների և երիտասարդների հետաքրքվածությունը մեծացնելու ծրագիր է:
««Թանգարանների գիշեր» համաեվրոպական միջոցառումն արդեն յոթերորդ տարին է, ինչ անց է կացվում է Արցախում: Այս օրերին, տարաբնույթ միջոցառումներ անցկացնելով, մենք էլ ավելի ենք բացահայտում դպրոցականների հետաքրքրասիրությունը թանգարանների նկատմամբ:
Այսօրվա բրեյ-ռինգը ոչ միայն մրցույթ-խաղ է, այլ նաև կրթական, դաստիարակչական մեծ ծրագիր, որը նպաստում է աշակերտների գիտելիքների խորացմանը և ինտելեկտի բարձրացմանը»,- ասել է Լ. Գասպարյանը:
ԱՀ նախագահի խորհրդական, ակադեմիկոս, երկրաբան Գրիգորի Գաբրիելյանցը, ասել է, որ թանգարանների դերը կարևոր են երկրի մշակութային ժառանգությունը ճանաչելու հարցում:
Միջոցառմանը ներկա էին ԱՀ նախագահ Բակո Սահակյանը, մշակույթի և երիտասարդության հարցերի նախարար Նարինե Աղաբալյանը, պաշտոնատար այլ անձինք, դպրոցականներ, հյուրեր և այլք: