Աթլետիկայի Հայաստանի հավաքականը հունիսի 24-25-ը Մալթայում կմասնակցի Եվրոպայի թիմային առաջնությանը:
Հայաստանի 16 աթլետներ կմասնակցեն Եվրոպայի թիմային առաջնությանը
ՍՏԵՓԱՆԱԿԵՐՏ, 23 մայիսի, ԱՐՑԱԽՊՐԵՍ: Տղամարդկանց եւ կանանց պայքարում Հայաստանը կներկայացնի 16 աթլետներ, հայտնում է ՀԱՕԿ լրատվականը:
Կանանց պայքարում հանդես կգան Մարիաննա Բաղյանը, Գայանե Չիլոյանը, Լիլիթ Հարությունյանը, Անգելինա Ավագյանը, Էլլադա Ալավերդյանը, Յանա Աբրահամյանը, Ժաննա Շահնազարյանը:
Տղամարդկանց պայքարի կմասնակցեն Տիգրան Մկրտչյանը, Երվանդ Մկրտչյանը, Նարեկ Ղուկասյանը, Գոռ Ներկարարյանը, Լեւոն Աղասյանը, Ռոման Ալեքսանյանը, Մանուկ Մանուկյանը, Մելիք Ջանոյանը, Արամայիս Սարգսյանը:
Եվրոպայի առաջնությունից առաջ հավաքականը հունիսի 6-20-ը հավաք կանցկացնի Ծաղկաձորում: Բացի այդ, Գայանե Չիլոյանը, Անգելինա Ավագյանը, Էլլադա Ալավերդյանը, Դավիթ Սարգսյանը եւ Յուրա Խաչատրյանը հունիսի 3-ին Ստամբուլում կմասնակցեն Բալկանյան երկրների պատանիների անհատական առաջնությանը: Նախատեսվում է նաեւ, որ մի քանի աթլետներ հանդես կգան Վրաստանի բաց առաջնությունում (մայիսի 26-28):