Ռուսաստանի 50 տարածաշրջանների եւ մերձավոր ու հեռավոր արտասահմանի 39 երկրների ավելի քան 1,5 հազար երեխաներ կմասնակցեն «Մոսկվան դիմավորում Է բարեկամներին» 14-րդ երաժշտական փառատոնին, որը Վլադիմիր Սպիվակովի ֆոնդի հովանավորությամբ անցկացվելու Է մայիսի 29-ից մինչեւ հունիսի 9-ը:
«Մոսկվան դիմավորում Է բարեկամներին» երաժշտական փառատոնին կմասնակցեն 39 երկրների, այդ թվում՝ Հայաստանի ներկայացուցիչները
ՍՏԵՓԱՆԱԿԵՐՏ, 29 մայիսի, ԱՐՑԱԽՊՐԵՍ: Այդ մասին, հայտնել Է ստուգատեսի մամուլի ծառայությունը:
«Փառատոնի սկսվելուց առաջ աշխատում Էր մի ամբողջ հանձնաժողով, որը երեխաներին ընտրում Էր տեսակապի միջոցով: Դիմումները հսկայական քանակությամբ ստացվում Էին աշխարհի տարբեր երկրներից, աշխարհի տարբեր անկյուններից»,-ՏԱՍՍ-ի հետ զրույցում նշել Է ԽՍՀՄ ժողովրդական արտիստ, ջութակահար եւ դիրիժոր Վլադիմիր Սպիվակովը:
Այս տարի ստուգատեսին մասնակցության ռեկորդային քանակությամբ՝ 780-ից ավելի հայտեր են տրվել:
Մոսկվայի՝ երաժշտության միջազգային տան Սվետլանովյան դահլիճում փառատոնի բացմանը Սպիվակովի ղեկավարությամբ «Մոսկվայի վիրտուոզներ» պետական կամերային նվագախմբի նվագակցությամբ ելույթ կունենան Ռուսաստանի, Հայաստանի, Իսպանիայի, Մեքսիկայի եւ Չինաստանի կատարողները:
Փառատոնի շրջանակներում կանցկացվի Սպիվակովի ֆոնդի կրթաթոշակ ստացողների պարգեւատրումը. պատանի տաղանդները նվեր կստանան երաժշտական գործիքներ, որոնց թվում՝ ֆրանսիացի նշանավոր վարպետ Ալան Կարբոնարի պատրաստած ջութակը: Փառատոնի միջոցառումների բաղկացուցիչ մասը կդառնան Ֆինլանդիայից, Իսրայելից, Ռուսաստանից եւ Ռումինիայից հայտնի երաժիշտների վարպետության դասերը: Երաժշտական ստուգատեսի համերգները կանցկացվեն Մոսկվայի, Մոսկվայի մարզի, Սանկտ Պետերբուրգի եւ Տվերի հարթակներում: