ՉԺՀ-ի նախագահ Սի Ցզինպինը հուլիսի 3-ից 6-ը պաշտոնական այցեր կկատարի Ռուսաստան եւ Գերմանիա: Ինչպես հունիսի 27-ին կայացած մամուլի ասուլիսում նշել Է ՉԺՀ-ի ԱԳ նախարարության պաշտոնական ներկայացուցիչ Լու Կանը, ՌԴ այցը կսկսվի հուլիսի 3-ին:
Սի Ցզինպինը պաշտոնական այցեր կկատարի Ռուսաստան եւ Գերմանիա
ՍՏԵՓԱՆԱԿԵՐՏ, 27 հունիսի, ԱՐՑԱԽՊՐԵՍ-ԱՐՄԵՆՊՐԵՍ։ «Ռուսաստան այցի ընթացքում ՉԺՀ-ի նախագահը հանդիպում կունենա եւ բանակցություններ կվարի ՌԴ նախագահ Վլադիմիր Պուտինի հետ»,-ասել Է Լու Կանը: «Ղեկավարները կարծիքներ կփոխանակեն, թե ինչպես խորացնել համապարփակ ռազմավարական գործընկերության եւ համագործակցության հարաբերությունները, ինչպես նաեւ ամրապնդել քաղաքական վստահությունը երկրների միջեւ: Նրանք նաեւ կարծարծեն երկկողմ եւ միջազգային օրակարգի այն հրատապ հարցերը, որոնք փոխադարձ հետաքրքրություն են ներկայացնում»,-հավելել Է դիվանագետը:
«ԳՖՀ-ի կանցլեր Անգելա Մերկելի հրավերով ՉԺՀ-ի նախագահ Սի Ցզինպինը նաեւ կմասնակցի G20-ի՝ հուլիսի 7-8-ը Համբուրգում կայանալիք գագաթնաժողովին»,-նշել Է նա: «Այս այցերի ծրագրի եւ օրակարգի վերաբերյալ մանրամասները կհաղորդվեն ավելի ուշ»,-ամփոփել Է արտաքին քաղաքական գերատեսչության պաշտոնական ներկայացուցիչը, հաղորդել Է ՏԱՍՍ-ը: