Հունիսի 30-ի դրությամբ Արցախի Հանրապետությունում հնձվել է 23 հազար 915 հա ցանքատարածություն, փաստացի հավաքված բերքը կազմել է 60 հազար 473 տ, միջին բերքատվությունը` 25.3 ց/հա:
Ցորենի և գարու բերքահավաքի արդյունքները բավարար եմ գնահատում. ԱՀ գյուղնախարարության պատասխանատու
ՍՏԵՓԱՆԱԿԵՐՏ, 30 հունիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԱՀ գյուղատնտեսության նախարարության բուսաբուծության և բույսերի պաշտպանության բաժնի պետ Վիլեն Ավետիսյանը և մանրամասնել, որ ըստ շրջանների պատկերը Արցախում հետևյալն է. «Ասկերանի շրջանում հնձվել է 2190 հա, միջին բերքատվությունը 24.8 ց/հա, Հադրութի շրջանում հնձվել է 5500, միջին բերքատվությունը` 24.9 ց/ հա, Մարտակերտի շրջանում հնձվել է 1350 հա, միջին բերքատվությունը 21.7 ց/հա, Մարտունու շրջանում հնձվել է 5055, միջին բերքատվությունը 21.5 ց/հա, Քաշաթաղի շրջանում հնձվել է 9820, միջին բերքատվությունը 28ց/հա»:
Վ. Ավետիսյանի խոսքով՝ Շուշիի և Շահումյանի շրջաններում բերքահավաքի աշխատանքները դեռ չեն սկսվել:
Խոսելով ցորենի և գարու բերքահավաքի արդյունքների մասին՝ Վ. Ավետիսյանն ասել է, որ նախորդ տարվա նույն ժամանակահատվածի համեմատ այս տարի բարձր ցուցանիշներ են արձանագրել:
«Ցորենի և գարու բերքահավաքի արդյունքները բավարար եմ գնահատում»,-հավելել է Վ. Ավետիսյանը: