Թուրքիան Գերմանիային է փոխանցել ահաբեկչությանն աջակցելու մեջ կասկածվող 680 գերմանական ֆիրմաների ցանկը։
Թուրքիան Գերմանիային է փոխանցել ահաբեկչությանն աջակցելու մեջ կասկածվող 680 գերմանական ֆիրմաների ցանկը
ՍՏԵՓԱՆԱԿԵՐՏ, 21 հուլիսի, ԱՐՑԱԽՊՐԵՍ: Այս մասին հայտնել է Reuters-ը՝ վկայակոչելով Գերմանիայի անվտանգության ծառայություններում իր աղբյուրը։
Zeit թերթը հուլիսի 19-ին հայտնել էր այն մասին, որ Թուրքիայի կառավարությունը Գերմանիայի իշխանություններին է փոխանցել այն անձանց ու ընկերությունների ցանկը, որոնք Անկարան կասկածում է ահաբեկիչներին աջակցելու մեջ։ Այդ ցանկում 68 անուն ու անվանում էր, այդ թվում Daimler գործարանն ու BASF քիմիական կոնցեռնը։ Պարբերականի տեղեկություններով, թուրքական կողմը համարւոմ է, որ դրանք կապեր ունեն Ֆեթուլահ Գյուլենի շարժման հետ, որին Անկարան մեղադրում է ահաբեկչության ու պետհեղաշրջման փորձի մեջ։
Սակայն հուլիսի 20-ին Թուրքիայի փոխվարչապետ Մեհմետ Շիմշեկը հերքել էր այդ հրապարակումը։
«Տեղեկությունները, որոնք տարածվել են լրատվամիջոցներում, այն մասին, որ Թուրքիան հետաքննություն է իրականացնում Daimler-ի ու BASF-ի նկատմամբ, հորինված են»,- գրել էր նա իր Թվիթերում։ «Մենք ողջունում ենք գերմանացի ներդրողներին»։
