Լոնդոնի արեւելքում երկու երիտասարդ է տուժել անհայտ անձանց հարձակման հետեւանքով, որոնք նրանց դեմքին այրող հեղուկ են լրցել, հնարավոր է՝ ծծմբաթթու։
Լոնդոնի արեւելքում անհայտ անձինք ծծմբաթթու են լցրել երկու մարդու վրա
ՍՏԵՓԱՆԱԿԵՐՏ, 26 հուլիսի, ԱՐՑԱԽՊՐԵՍ:Այս մասին գրում է News.am-ը՝ վկայակոչելով The Guardian-ը։
Միջադեպը տեղի է ունեցել երեկոյան, տեղի ժամանակով՝ մոտ 19։00-ին, Ռոման ռոուդ բանուկ փողոցում։ Ականատեսների խոսքով՝ երկու երիտասարդները դուրս են վազել խանութներոց մեկից եւ բղավել. «Մեզ վրա ծծմբաթթու են լցրել»։ Հաստատության սեփականատերը փորձել է նրանց առաջին օգնություն ցուցաբերել՝ ջրով լվանալով նրանց դեմքը։ Այնուամենայնիվ, տուժածները դեմքի եւ ոտքերի այրվածքներ են ստացել։
Երիտասարդները հիվանդանոց են տեղափոխվել։ Ոստիկանությունը հետաքննություն է սկսել։
Նշենք, որ Միացյալ Թագավորությունում հաճախակի են դարձել մարդկանց վրա ծծմբաթթու լցնելու դեպքերը։ Նման դեպքեր են գրանցվել ապրիլի 17-ին՝ Լոնդոնի արեւելքում գիշերային ակումբներից մեկում, ապա Լոնդոնի Բեքթոն շրջանում։ Հուլիսի 13-ի երեկոյան Լոնդոնի Հեքնի, Իսլինգթոն, Շորդիչ, Նյուինգթոն եւ Քլեփթոն շրջաններում 15 եւ 16 տարեկան դեռահասները մոպեդներով հարձակվել են հինգ մարդու վրա՝ նրանց դեմքին ծծմբաթթու լցնելով։