«Մարտակերտի բարիքներ» ՍՊԸ-ն ստեղծվել է 2017 թվականի հուլիսի մեկին: Ընկերության հիմնադիրներ Գրիգորի Միրզոյանի և Ալեքսեյ Բալայանի նախաձեռնությամբ ստեղծված արտադրամասում պատրաստվելու են տարբեր տեսակի չրեր:
Մարտակերտում պատրաստված չրերն արտահանվելու են ՌԴ
ՍՏԵՓԱՆԱԿԵՐՏ, 14 օգոստոսի, ԱՐՑԱԽՊՐԵՍ: Գրիգոր Միրզոյանի խոսքով չրերի գործարան ստեղծելու գաղափարը ծագել է նախորդ տարի. «Մտահղացումը եղել է ՌԴ-ում բնակվող ընկերոջս, ով խորհուրդ է տվել Արցախում բացել այսպիսի գործարան, որի արտադրանքի պահանջարկը մեծ է լինում »,- ավելացրել է ընկերության հիմնադիրը և ընդգծել, որ երկրորդ արտադրամասի շինարարական աշխատանքները շարունակվում են: Արդեն հաջորդ ամիս սկսվելու է մուրաբաների և կոմպոտների արտադրությունը:
Ընկերության համահիմնադիր Ալեքսեյ Բալայանն էլ նշել է, որ պատրաստվելու է 20-ից ավել արտադրանք: Իր խոսքով արտադրամասը փորձել են բացել նաև այն նպատակով, որ մարդիկ տեղական շուկայում կարողանան վաճառել բերքը: Հիմնական արտադրանքն արտահանվելու է ՌԴ: Սակայն Արցախում ևս վաճառք իրականացվելու է: Այժմ նույնպես կան գնորդներ, ովքեր փորձում են պատրաստված չրերից: Ընկերությունում այս պահին կա մոտ 30 աշխատակից:
Արտադրամասի աշխատակից 50-ամյա Աշխեն Մալխասյանն ասել է, որ աշխատանքը սկսվել է հուլիսի 3-ին ծիրանի չրի պատրաստումից և շարունակվելու է մինչև արքայախնձորի չրերի պատրաստում: Վերջինս հավելելէ , որ գործարանում աշխատելը հետաքրքիր է, քանի որ նախ տեսակավորում են մրգերը, ապա՝ տեղափոխում չորանոցներ:
Իսկ 30-ամյա Մարինե Բաբաանն էլ ասել է, որ այս պահին պատրաստում են խաղողի չիր: Մինչ այդ պատրաստել են ծիրանի, թզի, խնձորի չրեր: Նրա խոսքով գործարանը կարևոր դեր է ստանձնել՝ Մարտակերտում լուծելով աշխատանք գտնելու խնդիրը:
Նշենք, որ արտադրամասը կառուցելու և սարքավորումներով համալրելու համար օգնել է ԱՀ գյուղի և գյուղատնտեսության աջակցության հիմնադրամը: