Սեպտեմբերի 24-ին Գերմանիան նոր խորհրդարան եւ դրա հետ մեկտեղ՝ կանցլեր է ընտրում։
Գերմանիան նոր խորհրդարան է ընտրում
ՍՏԵՓԱՆԱԿԵՐՏ, 24 սեպտեմբերի, ԱՐՑԱԽՊՐԵՍ։ Հարցումների համաձայն՝ առաջատար է Անգելա Մերկելի ղեկավարած ՔԴՄ/ՔՍՄ դաշինքը։ Սակայն գլխավոր ինտրիգն այն է, թե ինչպես կբաշխվեն ընտրողների ձայները մյուս կուսակցությունների միջեւ։ Նրանք կարող են Մերկելի պոտենցիալ կոալիցիոն գործընկերները դառնալ։
Հարցումների համաձայան՝ Անգելա Մերկելի ղեկավարած ՔԴՄ/ՔՍՄ դաշինքը հավակնում է ձայների 36․2 տոկոսին։ Սոցիալ դեմոկրատներն ունեն միայն 22 տոկոսի աջակցությունը։
Երրորդ տեղում է «Այլընտրանք Գերմանիայի համար» աջակողմյան կուսակցությունը՝ 10․3 տոկսով, այնուհետեւ՝ «Ձախերը»՝ 9․8 տոկոս, «Ազատ դեմոկրատական կուսակցությունը»՝ 9․6 տոկոս, «Կանաչները»՝ 7․7 տոկոս։
Ընտրություններին կարող է մասնակցել 61․5 մլն մարդ։ Ընտրողներ ձայների համար պայքարելու է 42 կուսակցություն։
