Հայաստանի «Էրեբունի» ռուսական ավիացիոն ռազմակայանի կործանիչների եւ բանակային օդուժի օդաչուները մասնակցում են որոնողական-փրկարարական վարժանքներին:
Հայաստանի ռուսական ռազմակայանի օդաչուները «դիմացկունության» դասընթացներ են անցնում
ՍՏԵՓԱՆԱԿԵՐՏ, 16 նոյեմբերի, ԱՐՑԱԽՊՐԵՍ: Անծանոթ անտառապատ լեռնային տեղանքում օդաչուների «դիմացկունության» դասընթացի շրջանակներում գործնական պարապմունքները երեք օրվա ընթացքում անցկացվում են ջրավազանների մոտ:
Ինչպես տեղեկացրել են ՌԴ Հարավային ռազմական օկրուգի մամուլի ծառայությունում, վարժանքների ընթացքում կմշակվեն անտառապատ լեռնային տեղանքում պայմանական վթարային ավիացիոն նավերի տեխնիկական եւ դիտողական որոնման, առաջին բժշկական օգնության, տուժածների տարահանման եւ տեղափոխման հարցերը առձեռն միջոցների օգտագործմամբ:
Փրկարարական խմբերը կսովորեն գետնին եւ օդում պայմանական պատահարի գոտում տեղեկատվություն հավաքել տեղի ունեցած իրադարձությունների մասին եւ մշակել այն, ինչպես նաեւ փոխգործակցել Հայաստանի Հանրապետության մունիցիպալ եւ ուժային կառույցների հետ:
Հանրապետության տարածքում պայմանական աղետի ենթարկված եւ կործանված ՄիԳ-29 կործանիչների եւ Մի-8 եւ Մի-24 ուղղաթիռների անձնակազմերի որոնման եւ օգնության ցուցաբերման վարժանքներում ներգրավված են գրոհային, բժշկական, ինժեներա-տեխնիկական անձնակազմի եւ ռազմակայանի կապի ստորաբաժանման ավելի քան 150 զինծառայողներ, ինչպես նաեւ շուրջ 30 միավոր հատուկ ռազմական տեխնիկա:
