Ջիվան Ավետիսյանի «Վերջին բնակիչը» ֆիլմը նոյեմբերի 15-ից 19-ն անցկացված Տորոնտոյի 12-րդ միջազգային «Նուռ» կինոփառատոնում (Pomegranate Film Festival) հաղթող է ճանաչվել՝ «Լավագույն ֆիլմ» անվանակարգում։
«Վերջին բնակիչը» ֆիլմը Տորոնտոյի կինոփառատոնում «Լավագույն ֆիլմ» է ճանաչվել
ՍՏԵՓԱՆԱԿԵՐՏ, 22 նոյեմբերի, ԱՐՑԱԽՊՐԵՍ: Տորոնտահայ և հայկական մշակույթով հետաքրքրված օտարազգի հասարակության ուշադրությանը ներկայացված 40 ֆիլմերից՝ Ջիվան Ավետիսյանի՝ ղարաբաղյան հակամարտության մասին պատմող «Վերջին բնակիչը» ֆիլմով` նոյեմբերի 15-ին ազդարարվել է կինոփառատոնի բացումը, որը ներկայացված էր Արցախին նվիրված հատուկ խորագրում։ Փառատոնի պատվավոր հյուրերի ցանկը համալրել էին՝ Ջիվան Ավետիսյանը, Ատոմ Էգոյանը, Արսինե Խանջյանը, Դին Քեյնը, Մոնթել Ուիլյամսը և բեյրութահայ երգչուհի Էյլին Խաչատուրյանը:
Նոյեմբերի 19-ին կայացած մրցանակաբաշխության արարողությանը «Վերջին բնակիչը» ֆիլմին շնորհվել է «Լավագույն ֆիլմ»-ի համար մրցանակը։ Ռեժիսորն իր շնորհակալական ուղերձն է հղել կինոփառատոնի կազմակերպիչներին, ովքեր կարևորել և բարձր են գնահատել կատարված աշխատանքը։
Ռեժիսորն իր խոսքում անդրադարձել է նաև Հայաստանում ֆիլմ նկարահանելու դժվարություններին․ «Այս ամենը բարդ պայքար է, և այդ պայքարում պետք է կարողանալ ուղղակիորեն չնահանջել և առաջ ընթանալ։ Ֆինանսական առումով՝ արտադրող ընկերության ուսերին է դրված ողջ ծանր բեռը, ինչից էլ բխում են համարտադրողների հետ հետագա քննարկումներն ու համագործակցությունը։ Ընդհանրապես, դժվար է գտնել համարտադրողներ, որոնք կսիրեն արվեստը, միևնույն ժամանակ, թեմայի առումով՝ չեն վախենա սպասվող խնդիրներից: Օրինակ, հեշտ չէ գտնել դերասաններ, որոնք կլինեն համարձակ և պատրաստ՝ մեր հարևանների կողմից «սև ցուցակ»-ում հայտնվելուն, երբ խոսքը արցախյան թեմատիկայով ֆիլմերին է վերաբերում,- ասել է ռեժիսորը և հավելել,- ես ուրախ եմ, որ այդ ճանապարհը կարողացա անցնել ինձ հավատացող մարդկանց շնորհիվ, ինչի արդյունքում էլ, ֆիլմը կարողանում է քայլ առ քայլ իր ճանապարհը հարթել աշխարհում»։
Հանդիսատեսի ոգևորությունը նույնպես մեծ էր, ներկաները տպավորված էին ֆիլմի կյանքային կադրերով և բովանդակությամբ․ «Շատ կադրեր, կարծես, իսկ և իսկ իրականությունից լինեին: Երբ Աբգարն ու Իբրահիմը թեյ էին խմում, դահլիճում նստածներիս էր փոխանցվում թեյի համն ու բույրը: Բազմաթիվ կադրեր ունեին ուժեղ ենթատեքստ և հզոր էմոցիաներ էին առաջացնում»,- անկեղծանում է հանդիսատեսը։
Կինոփառատոնի նախորդ օրը՝ նոյեմբերի 14-ին, Համազգայինի «Սանահին» ֆիլմի ակումբի և «Նուռ» կինոփառատոնի նախաձեռնությամբ, «Վերջին բնակիչը» ֆիլմի ցուցադրությունը կայացել էր նաև Մոնրեալում, որտեղ նույնպես ֆիլմը ջերմ ընդունելության էր արժանացել։
Առաջիկայում «Վերջին բնակիչը» ֆիլմի ցուցադրությունը, Blue Knowledge Associazione-ի նախաձեռնությամբ, կկայանա նաև Պադովայում՝ նոյեմբերի 27-ից դեկտեմբերի 3-ն անցկացվող «Dessaran Festival»-ի (Հայկական մշակույթին նվիրված շաբաթ) շրջանակում, դեկտեմբերի 1-ին, ժամը 21.00-ին Multisala MPX Sala Giotto-ում։
Տեղեկանք
«Վերջին բնակիչը» ֆիլմի միջազգային առաջխաղացման աշխատանքներըմեկնարկել են Կաննի 69-րդ կինոփառատոնի կինոշուկայում դրաներկայացմամբ։ Այն ս.թ.հունիսին ցուցադրվել է նաև Շանհայի 20-րդմիջազգային կինոփառատոնի «Panorama» ծրագրում: Դրան հաջորդել էՎենետիկի 74-րդ միջազգային կինոփառատոնի«Venice Production Bridge»-ում ֆիլմի ցուցադրությունը։ Իսկ վերջերս՝ Հելսինկիի Սկանդինավյանմիջազգային կինոփառատոնում, ֆիլմն արժանացել էր միանգամից երկու մրցանակի՝ «Լավագույն գեղարվեստական ֆիլմ» և «Լավագույն դերասան» անվանակարգերում։ Ֆիլմի հայկական պրեմիերան կայացել է «ՈսկեԾիրան» 13-րդ կինոփառատոնիշրջանակներում։
«Վերջին բնակիչը» ֆիլմն առաջադրվել է 2017թ. «Ոսկե Գլոբուս»մրցանակաբաշխությանը՝ լավագույն «Օտարալեզու ֆիլմ» անվանակարգում,որին ներկայացված է եղել65 ֆիլմ։ Այդ առիթով էլ, Լոս Անջելեսի առաջատարհյուրանոցներից՝ «Four Seasons Hotel»-ում կայացել է ֆիլմի փակցուցադրությունը՝ «Հոլիվուդյան արտասահմանյանլրագրողներիասոցիացիայի» անդամների (HFPA) համար՝ արժանանալով նրանց բարձրգնահատանքին։ Ֆիլմի մասին անդրադարձ է կատարվել «Ոսկե Գլոբուս»-իպաշտոնական կայքի և ամերիկյան հայտնի «Los Angeles Times» օրաթերթիկողմից։
«Վերջին բնակիչը» ֆիլմը նախորդ ամիսներին արդեն ցուցադրվել էԼիբանանում, ԱՄՆ-ում, Ռուսաստանում, Իրանում, Ֆինլանդիայում,Շվեդիայում, Նիդերլանդներում,իսկ առաջիկայում սպասվում են նաև ֆիլմիցուցադրություններն Իտալիայում(Պադովա), Հունաստանում, Անգլիայում ևշատ այլ երկրներում։
Հայ-ադրբեջանական հակամարտության արդյունքում տեղահան եղածհայկական գյուղում, օրեցօր սեղմվող թշնամական օղակում մնում է Աբգարը՝մեն-մենակ: Նասպասում է իր աղջկան, ով ականատես է եղել գազազածամբոխի կողմից ամուսնու սպանությանը և, հոգեկան խանգարումով,հայտնվել է հիվանդանոցում: ԱդրբեջանցիԻբրահիմը, Աբգարի աղջկանգտնելու, բերելու դիմաց, նրան առաջարկում է աշխատել մզկիթի կառուցմանվրա: Իբրահիմն օրեր անց Բաքվի հոգեբուժարաններից մեկումգտնում ևբերում է աղջկան՝ Յուրգային: