ՀՀ գյուղատնտեսության նախարարության Սննդի անվտանգության պետական ծառայության տեսուչները շրջայցեր են կատարում խանութներ` հայտնաբերելու ադրբեջանական արտադրության կոնֆետ:
ՀՀ ՍԱՊԾ տեսուչները ադրբեջանական կոնֆետները հայտնաբերելու նպատակով շրջայցեր են կատարում խանութներ
ՍՏԵՓԱՆԱԿԵՐՏ, 6 դեկտեմբերի, ԱՐՑԱԽՊՐԵՍ: «Արմենպրես»-ի հետ զրույցում այս մասին հայտնեց ՍԱՊԾ պետի մամուլի քարտուղար Նվարդ Առաքելյանը: «Առավոտ» թերթում հրապարակվել է տեղեկություն, ըստ որի՝ լրագրողն իր տան հարակից խանութից գնել է կոնֆետ, որը հին ու տհաճ համ է ունեցել: Քաղցրավենիքի վրա փնտրել է արտադրողին ու խոշորացույցով վերծանել գրություն`«Շիրին» ԲԲԸ, Բ. Բունյաթովի փողոց 17ա, Բաքու, Ադրբեջան։ Նվարդ Առաքելյանն ասաց, որ իրենք այս մասին ահազանգ չեն ստացել, բայց գնացել են հրապարակման հետքերով, կապ են հաստատել լրագրողի հետ, ճշտել խանութի հասցեն, որտեղից ձեռք է բերվել նշյալ կոնֆետը: «Տեսուչները շրջայցեր են կատարում խանութներ, ուսումնասիրություններից հետո լրացուցիչ կհայտնենք արդյունքների մասին»,-ասաց Նվարդ Առաքելյանը: