Artsakhpress

Մշակույթ

Ամերիկյան աշխարհահռչակ HBO հեռուստատեսային ցանցը կգնի և կցուցադրի «Վերջին բնակիչը» ֆիլմը Արևելյան Եվրոպայում. Ջիվան Ավետիսյան

Արցախի Խաչմաչ գյուղը` ռեժիսոր Ջիվան Ավետիսյանի «Վերջին բնակիչը» ֆիլմի միջոցով մեծ ճանաչում կունենա Արևելյան Եվրոպայի երկրներում:

Ամերիկյան աշխարհահռչակ HBO հեռուստատեսային ցանցը կգնի և կցուցադրի «Վերջին բնակիչը» ֆիլմը Արևելյան Եվրոպայում. Ջիվան Ավետիսյան

Ամերիկյան աշխարհահռչակ HBO հեռուստատեսային ցանցը կգնի և կցուցադրի «Վերջին բնակիչը» ֆիլմը Արևելյան Եվրոպայում. Ջիվան Ավետիսյան

ՍՏԵՓԱՆԱԿԵՐՏ, 11 դեկտեմբերի, ԱՐՑԱԽՊՐԵՍ: Ամերիկյան հայտնի և առաջատար համարվող կաբելային ու արբանյակային հեռուստատեսային ցանցը` Home Box Office (HBO)-ն, որը ներառված է աշխարհի ամենախոշոր կոնգլոմերատներից մեկի` Time Warner կորպորացիայի մեջ, կլիցենզավորի «Վերջին բնակիչը» ֆիլմը` այն վաճառելու համար: Այս առումով, «Արցախպրես»-ի թղթակցին հաջողվել է ունենալ բացառիկ զրույց ֆիլմի ռեժիսոր Ջիվան Ավետիսյանի հետ:

 - Պարոն Ավետիսյան, ինչպե՞ս եք ստացել առաջարկը և ո՞ր երկրներում է ցուցադրվելու «Վերջին բնակիչը»` ըստ այդ առաջարկի:

- Ամերիկյան հայտնի՝ պրեմիում դասի խոշոր հեռուստատեսային ցանց հանդիսացող HBO-ը «Վերջին բնակիչը» ֆիլմի համաշխարհային վաճառքի գործակալ ավստրալական «Galloping Films» ընկերությանն առաջարկել է մեր ֆիլմը լիցենզավորել և վաճառել՝  HBO-ի արևելյան երկրներում, այդ թվում՝ Լեհաստանում, Ռումինիայում, Բուլղարիայում, Մոլդովայում, Մակեդոնիայում և այլն։  Ինչպես տեղյակ եք, այս հեռուստատեսային ցանցը համարվում է առաջատարներից ոչ միայն Միացյալ Նահանգներում, այլև` ողջ աշխարհում։ Այսօր, նրա պրոդուկտները մեծ ռեկորդներ են սահմանում, և, իսկապես, մեծ հաջողություն է  մեզ համար այն, որ Արցախի մասին պատմող  «Վերջին բնակիչը» ֆիլմն այսօր արդեն այդպիսի մակարդակով տարածում է գտնում եվրոպական մի շարք երկրներում։ 

 - Կա՞ արդեն պայմանավորվածություն, թե երբ են նախատեսվում ցուցադությունները:

- Նրանց հետ մենք այժմ համաձայնագրի կնքման փուլում ենք և առաջիկայում պետք է որոշենք ֆիլմի ցուցադրությունների ժամանակացույցը։ Այդ տեղեկատվությունն իր ժամանակին կհրապարակենք (բազմանշանակ ժպտում է):

- Պարոն Ավետիսյան, Time Warner-ի խոշոր ընկերություններն են թե՛ HBO-ն, թե՛ Time Inc.-ը, Warner Bros. Entertainment-ը, Time Warner Cable-ը, CNN-ը, Turner Broadcasting System-ը, The CW Television Network-ը: Ի՞նչ եք կարծում՝ այս ընկերությունների կողքին՝ նույն հարթության վրա գտնվելով՝ HBO-ը ի՞նչ դռներ կբացի ֆիլմի տարածման, ինչու՞ չէ նաև ֆիլմի` կինոփառատոնների ցանկն ընդլայնելու համար:    

- HBO-ի առաջարկն արդեն իսկ կնպաստի ֆիլմի առաջխաղացմանը։ Արևելյան Եվրոպայի երկրներում ցուցադրվելով՝ այն, իհարկե, մեծ ճանաչում ձեռք կբերի, սակայն, միաժամանակ, ֆիլմի մասնակցությունը միջազգային կինոփառատոններին շարունակում է մնալ մեր կարևորագույն նպատակներից մեկը, որի ուղղությամբ մենք չենք դադարում աշխատել:

- Ձեր առաջին լիամետրաժ ֆիլմը` «Թևանիկ»-ը  դարձավ այն կարևոր հիմնասյունը, և, թույլ տվեք ասել, այցեքարտը` Արցախը միջազգային ասպարեզում կինոյի լեզվով ներկայացնելու համար, որի հաջողություններն արդեն իսկ իմ նշածի հաստատումն են: Երկրորդ լիամետրաժը` «Վերջին բնակիչը», հայ հանդիսատեսի մոտ առաջին հայացքից  մտահոգության, գուցե երկմտանքի առիթ տվեց, սակայն, նրա հաջողությունները, կարծես, գերազանցում են նախորդին: Դուք ի սկզբանե ակնկալու՞մ էիք նման հաջողություններ:

- Յուրաքանչյուր հաջորդը պետք է գերազանցի նախորդին, և զարմանալի չէ, որ «Վերջին բնակիչը» գերազանցում է բոլորի սպասելիքները: Ֆիլմը ստեղծելու պահից` ես հավատացել եմ նրա հաջողություններին, իսկ մեծագույն հավատով ստեղծված գործերը` կլինի ֆիլմ, կտավ, երաժշտություն, թե քանդակ, վստահաբար, մեծ ճանաչում է ունենում: Ես երջանիկ եմ, որ «Թևանիկ»-ը ճանապարհ հարթեց «Վերջին բնակիչը» ֆիլմի համար, որն էլ, այսօր ահա, շարունակում է իր հաղթարշավը:

- Կաննի 69-րդ միջազգային կինոշուկա, Ոսկե գլոբուս 74-րդ մրցանակաբաշխություն, Շանհայի, Վենետիկի, Սկանդինավյան երկրների, Տորոնտոյի միջազգային կինոփառատոններ, հեղինակավոր մրցանակներ, ինչպես նաև` Լիբանան, ԱՄՆ, Ռուսաստան, Իրան, Հոլանդիա, Ֆինլանդիա, Շվեդիա, Կանադա, ԻտալիաՊատկառելի աշխարհագրություն է. ցուցադրությունների հաջորդ կանգառը որտե՞ղ է նախատեսվում:

- Մենք անընդհատ աշխատում ենք նոր ցուցադրությունների ուղղությամբ, և, վստահ եմ, որ այդ երկրների ու կինոփառատոնների աշխարհագրությունը դեռ զգալիորեն ընդլայնվելու է: Այս պահի դրությամբ նախատեսում ենք ֆիլմը ցուցադրել ԱՄՆ-ի մի շարք այլ քաղաքներում, եվրոպական տարբեր երկրներում, այդ թվում` Անգլիայում, Հունաստանում, Լիտվայում և այլն:

- Վենետիկի ցուցադրությունից հետո Ադրբեջանական կողմը մեծ ալիք բաձրացրեց: Ենթադրաբար, մեր հարևանները կարձագանքեն նաև այժմ` կաբելային ու արբանյակային առաջին վճարովի, ԱՄՆ-ում 45 տարվա հսկայական ներդրում ունեցող հեռուստատեսության կողմից` Ձեր ֆիլմի լիցենզավորման առաջարկից հետո: Ի՞նչ եք կարծում՝ ադրբեջանական ջղաձգումները դժվարացնու՞մ են ֆիլմի առաջխաղացման աշխատանքները:

- Մենք ամուր ենք մեր հողի վրա, կրկնակի ամուր ենք` մեր երկիրը օտարի հողի վրա ներկայացնելիս: Անշուշտ, նախքան այս ֆիլմն արարելը մտածել եմ այդ մասին, չէ՞ որ ադրբեջանական կողմը հիստերիայի ալիք էր բարձրացրել նաև «Թևանիկ» ֆիլմի ժամանակ: Արցախի ճանաչման հասնելը հեշտ գործ չէ, պայքարելով` հավատում եմ, որ մի օր կհասնենք մեր ցանկալի նպատակին: Իսկ իմ զենքը իմ ֆիլմերն են, պատրաստ եմ գնալ մինչև վերջ:  

 -  Հաճախ եք նշում, որ Ձեր ֆիլմերը ճանապարհ են հարթում մեկը մյուսի համարԻ՞նչ է տալու HBO-ն և առհասարակ` «Վերջին բնակիչը» ֆիլմի հաջողությունները` Ձեր հաջորդ կինոնախագծին:

- Հայկական ֆիլմը, որն, ըստ էության, կոմերցիոն չէ, որին ավելանում է նաև Արցախյան թեման, աներևակայելի դժվար է տարածել աշխարհում: Ընդհանրապես, կոնֆլիկտային թեմա պարունակող ֆիլմերի հնարավորությունները քիչ են, սակայն մեծ ուրախություն է, որ HBO-ի պես առաջատար հեռուստատեսային ցանցը, որն Ամերիկայի տարածքում ունի 8 հեռուստաալիք, ցանկություն է հայտնում ֆիլմը գնել և վաճառել Արևելյան Եվրոպայի երկրներում: Մեծ պատիվ և երջանկություն է Արցախն ու Հայաստանը ներկայացնել աշխարհում` նման եղանակով: Այս հաջողություններն, անշուշտ, մեծ դռներ կբացեն իմ հաջորդ` «Դրախտի դարպասը» ֆիլմի համար, որը նույնպես նախատեսում եմ ստեղծել միջազգային համագործակցության արդյունքում: Սակայն, միևնույն ժամանակ, ես նպատակ ունեմ նաև հայկական կինեմատոգրաֆիայի զարգացումը տեսնել աշխարհում: Իմ ֆիլմերի նմանօրինակ հաջողությունները, վստահ եմ,  ճանապարհ են հարթելու նաև  Հայաստանի և Արցախի երիտասարդության համար: Այս դժվարին ուղին, որը ես անցնում եմ բազում փորձություններով, հավատում եմ, որ նրանց կտրվի ավելի դյուրին:

 - Ձեր ֆիլմերն ավելի հաստատուն քայլերով առաջ տանելու համար, ի՞նչ է անհրաժեշտ՝ HBO-ի պես խոշոր ընկերությունների հետ համագործակցությու՞ն, ցուցադրություննե՞ր, թե՞ հանդիսատեսի ներկայությունն ու սերը:

- Կստեմ, եթե բացառեմ Ձեր նշածներից որևէ մեկը, բայց առավել շատ` իհարկե, մեր  հայրենիքի աջակցությունը, առանց որի ավելի բարդ կլիներ այս պատասխանատու ճանապարհն անցնելը:  

 - Շնորհակալ ենք այս բացառիկ զրույցը մեզ վստահելու համար: Հաջողություններ ենք մաղթում Ձեզ և Ձեր գործունեությանը, ինչպես նաև սպասումով ենք լցված դեպի HBO-ի առաջարկն ու իրականացումը:

- Շնորհակալ եմ: Եկեք ուղակի հավատանք և շարունակենք աշխատել, դա է, ըստ իս, հաջողության հասնելու թիվ մեկ բանալին:


     

Քաղաքական

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search