Հայաստանում սկսվել են ռուսական ռազմակայանի զինծառայողների հատուկ մարտավարական վարժանքները:
Հայաստանում սկսվել են ռուսական ռազմակայանի ստորաբաժանումների մարտավարական վարժանքները
ՍՏԵՓԱՆԱԿԵՐՏ, 15 դեկտեմբերի, ԱՐՑԱԽՊՐԵՍ: Մոտոհրաձգային, տանկային, հրետանային, զենիթահրթիռային հետախուզական, ինժեներային, կապի ստորաբաժանումների պարապմունքները՝ կործանիչ եւ բանակային ավիացիայի աջակցությամբ, անցկացվում են «Ալագյազ» զորափորձարանում՝ ռուսական զորամիավորման հրամանատարի ղեկավարությամբ եւ կշարունակվեն երեք օր:
Ինչպես տեղեկացրել են ՌԴ Հարավային ռազմական օկրուգի մամուլի ծառայությունում, հատուկ մարտավարական վարժանքների անցկացման հիմնական նպատակը ստորաբաժանումների մարտունակության պահպանումն Է եւ զինծառայողների գործողությունների համաձայնեցումը:
Վարժանքների ընթացքում մշակվում են այն ստորաբաժանումների կառավարման կազմակերպման հարցերը, որոնք ստեղծվել են հետախուզական-կրակային եւ հետախուզական-հարվածային կոնտուրներով՝ կառավարման ավտոմատացված համակարգերի օգտագործմամբ: Տանկերից, համարզարկային կրակի ռեակտիվ համակարգերից եւ հրանոթներից կրակի ուղղորդումն իրականացվում Է հետախտուզման, կառավարման եւ կապի «Ստրելեց», «Ազարտ» եւ այլ համակարգերի օգտագործմամբ:
Զինծառայողները պարապմունքների ընթացքում յուրացնում են տակտիկական պատրաստության, մարտական մեքենաների վարման, հրազենից եւ մարտական մեքենաների ու տանկերի սպառազինությունից անշարժ եւ շարժական թիրախների վրա հրաձգության նորմատիվները ծովի մակերեւույթից ավելի քան 2 հազար մետր բարձրության վրա կլիմայական բարդ «Էքստրեմալ» պայմաններում:
Ինչպես նշել են մամուլի ծառայությունում, հատուկ մարտավարական վարժանքներում ներգրավված են 500-ից ավելի զինծառայողներ եւ շուրջ 100 միավոր ռազմական տեխնիկա, այդ թվում՝ ՄիԳ-29 կործանիչներ, Մի-24Պ, Մի-8Մտ ուղղաթիռներ եւ ժամանակակից անօդաչու թռչող համալիրներ:
