2017 թվականի դեկտեմբերի 29-ի դրությամբ Արցախի Հանրապետությունում կատարված հերկի արդյունքներն էապես գերազանցել են նախորդ տարվա նույն ժամանակահատվածի ցուցանիշները:
2017-ին Արցախում կատարված հերկի ցուցանիշներն էապես գերազանցել են նախորդ տարվան
ՍՏԵՓԱՆԱԿԵՐՏ, 8 հունվարի, ԱՐՑԱԽՊՐԵՍ: «Արցախպրես»-ի թղթակցի հետ զրույցում ԱՀ գյուղատնտեսության փոխնախարար Վիլեն Ավետիսյանն ասել է, որ դեկտեմբերի 29-ի դրությամբ հերկի ընդհանուր ցանքատարածքները կազմել են՝ 77 հազար 166.9 հա նախորդ տարվա նույն ժամանակահատվածի 59 հազ. 436.7 հա-ի դիմաց:
Փոխնախարարը նշել է, որ 2017 թվականի աշնանացանի արդյունքներն ընդհանուր առմամբ գոհացուցիչ են:
Խոսելով ցանքսի ցուցանիշների մասին, մեր զրուցակիցն ասել է, որ աշնանացան մշակաբույսերի ցանքատարածքները կազմել են 72 հազ. 918 հա՝ նախորդ տարվա նույն ժամանակահատվածի 53 հազ. 787.9 հա-ի դիմաց:
Ըստ մշակաբույսերի ցանվել է 37 հազ. 895.8 հա ցորեն և 35 հազ. 22.2 հա գարի, իսկ 4 հազ. 518,7 հա-ը թողնվել է սև ցելի տակ՝ գարնանացան մշակաբույսերի ցանման նպատակով:
