Հայաստանի ռուսական ռազմակայանի հետախուզական ստորաբաժանումների զինծառայողները մարտական գործողություններ են փորձարկում լեռներում պայմանական հակառակորդի դիվերսիոն խմբերի դեմ
Ռուսական ռազմակայանի հետախույզները պատրաստվում են դիվերսիոն խմբեր ոչնչացնել Հայաստանի լեռներում
ՍՏԵՓԱՆԱԿԵՐՏ, 16 հունվարի, ԱՐՑԱԽՊՐԵՍ: Ինչպես տեղեկացրել են ՌԴ Հարավային ռազմական օկրուգի մամուլի ծառայությունից, «Կամխուդ» բարձրլեռնային զորափորձարանում հատուկ մարտավարական պարապմունքների ընթացքում հրահանգիչները զորամիավորման հետախույզներին սովորեցնում են գտնել, շրջափակել եւ ոչնչացնել պայմանական հակառակորդի դիվերսիոն հետախուզական խմբերը՝ դահուկներով տեղաշարժվելու անաղմուկ տեխնիկա կիրառելով լեռնային տեղանքում: Պայմանական հակառակորդի խմբերի որոնումն իրականացվում Է ծովի մակարդակից ավելի քան 1,5 հազար մետր բարձրության վրա՝ քարտեզների եւ «Ստրելեց» հետախուզական համալիրների ժամանակակից GPS-նավիգատորների եւ «Ռատնիկ» հանդերձանքի օգտագործմամբ: Նաեւ ուսուցման ընթացքում հետախույզները նորմատիվներ են կատարում հատուկ, տակտիկական, կրակային պատրաստությունից եւ հետախույզի հատուկ լեռնային գոտում խոչընդոտների հաղթահարումից: Լեռնային տեղանքում գործնական պարապմունքներում ներգրավված են 200-ից ավելի զինծառայողներ եւ ավելի քան 50 միավոր ռազմական տեխնիկա: