Մոսկվայում մեկնարկում է գեղասահքի Եվրոպայի առաջնությունը: Վաղը մենասահքի կարճ ծրագրով առաջինը սահադաշտ կմտնեն տղամարդիկ:
Գեղասահքի ԵԱ. Սլավիկ Հայրապետյանը ելույթ կունենա վաղը
ՍՏԵՓԱՆԱԿԵՐՏ, 16 հունվարի, ԱՐՑԱԽՊՐԵՍ: 29 երկրի 37 մարզիկների պայքարում Հայաստանը կներկայացնի Սլավիկ Հայրապետյանը: Տղամարդիկ կամավոր ծրագրով ելույթ կունենան հունվարի 19-ին,- հաղորդում է ՀԱՕԿ-ի կայքը:
Կանայք կարճ ծրագրով հանդես կգան հունվարի 18-ին: Հայտացուցակում 29 երկրի 40 գեղասահորդների մեջ բացակայում է Անաստասիա Գալուստյանի անունը, ով վերջին շրջանում ոտքի վնասվածքի պատճառով չի մասնակցում մրցաշարերի:
Պարային զույգերը հունվարի 19-ին (24 երկրի 31 զույգ) կներկայանան կարճ ծրագրով, իսկ հաջորդ օրը՝ կամավոր: Հայաստանը կներկայացնի Թինա Կարապետյան-Սիմոն Պրու Սենեկալ երկյակը: