Արցախի Հանրապետության մշակույթի, երիտասարդության հարցերի և զբոսաշրջության նախարարությունը «Երիտասարդության ինքնիրացման և զարգացման պայմանների ապահովում» ծրագրի շրջանակներում փետրվարի 1-3-ն ընկած ժամանակահատվածում Ստեփանակերտի Մեսրոպ Մաշտոցի անվան հանրապետական գրադարանի ընթերցասրահում կազմակերպում է վերապատրաստման դասընթաց՝ «Հրապարակային խոսք» խորագրով:
«Երիտասարդության ինքնիրացման և զարգացման պայմանների ապահովում» ծրագրի շրջանակներում կկազմակերպվեն վերապատրաստման դասընթացներ
ՍՏԵՓԱՆԱԿԵՐՏ, 19 հունվարի, ԱՐՑԱԽՊՐԵՍ: «Արցախպրես»-ի թղթակցի հետ զրույցում Արցախի Հանրապետության մշակույթի, երիտասարդության հարցերի և զբոսաշրջության նախարարության երիտասարդության հարցերի բաժնի առաջատար մասնագետ Անի Կապլանյանն ասել է, որ դասընթացի նպատակն է երիտասարդության շրջանում ճարտասանական խոսքի զարգացումը:
«Դասընթացն անց է կացնելու ՀՀ-ից հրավիրված ռեժիսոր, հռետոր, հեռուստառադիոհաղորդավարների դպրոցի հիմնադիր Սուսաննա Ալեքսանյանը: Մասնակիցներն ուսումնասիրելու են «Խոսքը՝ հաջողության հասնելու միջոց», «Խոսքի էներգետիկան», «Խոսքի վարպետություն», «Միմիկա և ժեստ» թեմաները»,- նշել է Ա. Կապլանյանը և ավելացրել, որ դասընթացին կարող են մասնակցել 18-30 տարեկան անձինք:
Նշենք, որ ծրագրին մասնակցելու համար հայտերը պետք է լրացնել հետևյալ հղումով՝ https://docs.google.com/forms/d/1ssFrQof8yKA8PjkTDkHugJ8yuH-dfm2EqCZzjeMu1Qo/viewform?edit_requested=true#responses:
Հավելենք, որ հայտերն ընդունվում են մինչև ս.թ. հունվարի 29-ը ներառյալ: Հայտերի ներկայացման և լրացուցիչ տեղեկությունների համար դիմել ԼՂՀ մշակույթի, երիտասարդության հարցերի և զբոսաշրջության նախարարության աշխատակազմի երիտասարդության հարցերի բաժին՝ ք. Շուշի, Հախումյան 28 հասցեով կամ զանգահարել /047/ 73 20 73, /047/ 73 40 73 հեռախոսահամարներով, Էլ. հասցե՝ eritbajin@gmail.com: