Քրդական «Ժողովրդական ինքնապաշտպանական» ուժերը (YPG) հայտարարել են, որ թուրք զինվորականները ստիպված են եղել նահանջել սիրիական Աֆրին մուտք գործելու փորձ անելիս:
Սիրիացի քրդերը հայտարարում են Աֆրինում թուրք զինվորականների հարձակումը ետ մղելու մասին
ՍՏԵՓԱՆԱԿԵՐՏ, 21 հունվարի, ԱՐՑԱԽՊՐԵՍ: Աֆրինում YPG-ի ներկայացուցիչ Բիրուսկ Հասակի խոսքով՝ թուրքական ուժերը դաժան բախումներից հետո հետ են շպրտվել: YPG-ի մեկ այլ ներկայացուցիչ՝ Նուրի Մահմուդին, հայտարարել է, որ «թուրք զինվորականների բոլոր ցամաքային գրոհները Աֆրինի դեմ ետ են մղվել, և նրանք ստիպված են եղել նահանջել»,- 1in.am-ի փոխանցմամբ՝ հաղորդում է Reuters-ը:
Սակայն թուրքական Anadolu գործակալության հաղորդմամբ՝ Թուրքիայի զինված ուժերի ստորաբաժանումները և նախագահ Բաշար Ասադին ընդդիմադիր «Սիրիական ազատագրական բանակի» ջոկատները 5 կմ առաջ են շարժվել դեպի Աֆրինի խորքերը: