2018 թվականին Ադրբեջանը կակտիվացնի սադրանքները ղարաբաղյան հակամարտության գոտում, վստահ է Արցախի նախագահի մամուլի քարտուղար Դավիթ Բաբայանը։
Արցախը պետք է պատրաստ լինի Ադրբեջանի սպեկուլյացիաների նոր ալիքին
ՍՏԵՓԱՆԱԿԵՐՏ, 22 հունվարի, ԱՐՑԱԽՊՐԵՍ: Sputnik Արմենիայի հետ զրույցում այս մասին ասել է Արցախի Հանրապետության նախագահի մամուլի քարտուղար Դավիթ Բաբայանը։
Նրա խոսքով` այդ ակտիվությունը կապված է կլինի Ադրբեջանի համար կարևոր օրերի հետ։
«Լրանում է Ադրբեջանի արհեստական ձևավորման 100 ամյակը, Հեյդար Ալիևի ծննդյան 95 ամյակը, 2018 թվականին նախագահի «ընտրություն» է, ուղիղ 25 տարի առաջ Ադրբեջանը կորցրեց Ջաբրաիլը, Զանգելանը, Աղդամը, Ֆիզուլին, Կուբաթլուն ու Քելբաջարը։ Դա երկրի կարճատև պատմության ընթացում եղած ամենամեծ քաղաքական, ռազմական ու բարոյական կորուստներն էին», — ասել է Բաբայանը։
Նրա խոսքով` այս ամենը բարենպաստ պայմաններ է ստեղծում հայրենասիրական զգացմունքներ դրսևորելու և ակտիվ քաղաքականություն իրականացնելու համար։